തെലുങ്ക് യുവതാരം വിജയ് ദേവരക്കൊണ്ട നായകനാകുന്ന ബഹുഭാഷാ ചിത്രം ഡിയര് കോമ്രേഡിന്റെ ട്രെയിലര് ദുല്ഖര് സല്മാന് പങ്കുവെച്ചിരുന്നു. താരത്തിന് നന്ദിയറിയിച്ച് വിജയ് ദേവരക്കൊണ്ടയും മറുപടി നല്കി. “കുഞ്ഞിക്കാ ഐ ലവ് യൂ. നിങ്ങളാണ് ബെസ്റ്റ്” എന്ന് വിജയ് കുറിച്ചു. ഒപ്പം താനും ദുല്ഖറും ചേര്ന്ന് ഒരു വമ്പന് സര്പ്രൈസ് പ്രേക്ഷകര്ക്കായി ഒരുക്കിയിട്ടുണ്ട് എന്നും വിജയ് പറയുന്നു. ദുല്ഖറും വിജയും ഒരു ചിത്രത്തിലൂടെ ഒന്നിക്കുന്നു എന്നതിന്റെ സൂചനയാണോ ഇതെന്നും പ്രേക്ഷകര് സംശയിക്കുന്നുണ്ട്.
പ്രണയവും രാഷ്ട്രീയവുമെല്ലാം വിഷയമാകുന്ന ഡിയര് കോമ്രേഡ് സംവിധാനം ചെയ്തിരിക്കുന്നത് ഭരത് കമ്മയാണ്. ഡിയര് കോമ്രേഡ് തെലുങ്ക്, കന്നട, മലയാളം, തമിഴ് എന്നീ ഭാഷകളില് പുറത്തിറങ്ങും. 2018 മെയ് മാസത്തില് അനൗണ്സ് ചെയ്യപ്പെട്ടതിന് പിന്നാലെ ഇത് ദുല്ഖര് സല്മാന് നായകനായ അമല് നീരദ് ചിത്രം “സിഐഎ കോമ്രേഡ് ഇന് അമേരിക്ക”യുടെ റീമേക്കാണ് എന്ന തരത്തില് റിപ്പോര്ട്ടുകള് വന്നിരുന്നു. എന്നാല് സംവിധായകന് ഭരത് ഇത് തള്ളി രംഗത്തുവന്നു.
Read more
മുമ്പ് മഹാനടി എന്ന ചിത്രത്തില് വിജയ് ദേവരക്കൊണ്ടയും ദുല്ഖറും ഒരുമിച്ചിട്ടുണ്ട്. എന്നാല് ഇരുവര്ക്കും കോമ്പിനേഷന് സീനുകളൊന്നും ഉണ്ടായിരുന്നില്ല.