മലയാള സിനിമയില്‍ നിലവില്‍ തിരക്കേറിയ നടന്മാരിലൊരാളാണ് സുരാജ്. എന്നാ്ല്‍ തിരക്കിനിടയിലും ആരാധകരുമായി സംവദിക്കാന്‍ നടന്‍ സമയം കണ്ടെത്താറുണ്ട്. ഇപ്പോഴിതാ അത്തരത്തിലുള്ള ഒരു അവസരത്തില്‍ ഒരു ആരാധകന്‍ പറ്റിച്ച പണി തുറന്നുപറഞ്ഞിരിക്കുകയാണ് താരം.
പാലക്കാട് ഒരു ഹോട്ടലില്‍ നടന്‍ താമസിക്കുമ്പോഴാണ് സംഭവം നടക്കുന്നത്. ദിവസേന അദ്ദേഹത്തെ കാണാന്‍ ഒട്ടേറെ ആരാധകര്‍ അവിടെ വരുകയും ഒപ്പം ഫോട്ടോയൊക്കെ എടുക്കുകയും ചെയ്യും. അതിലൊരാള്‍ അദ്ദേഹത്തിന്റെ കഥാപാത്രത്തിന്റെ ഫോട്ടോയൊക്കെ വരച്ചു റിസപ്ഷനിലേല്‍പ്പിക്കുകയും അത് അദ്ദേഹത്തിന്റെ കയ്യില്‍ കൊടുക്കണമെന്ന് പറഞ്ഞു. അദ്ദേഹത്തിന് വിരോധമില്ലെങ്കില്‍ ഒന്ന് കാണാന്‍ അവസരം തരണമെന്ന് അഭ്യര്‍ത്ഥിക്കുകയും ചെയതു.
അങ്ങനെ അയാള്‍ വരച്ച ദശമൂലം ദാമു എന്ന തന്റെ കഥാപാത്രത്തിന്റെ ഫോട്ടോകള്‍ കണ്ട സുരാജ് അയാളെ കാണാനായി വിളിപ്പിച്ചു. കുശലാന്വേഷണങ്ങള്‍ക്കു ശേഷം അയാള്‍ സുരാജിനോട് ഒരു ഫോട്ടോ എടുക്കാമോ എന്ന് ചോദിച്ചു. സെല്ഫിയെടുക്കാനാവും എന്ന് കരുതിയൊരുങ്ങിയ സുരാജിനോട് അയാള്‍ പറഞ്ഞത് ഏറെ രസകരമായ കാര്യമാണ്. അയാള്‍ക്ക് സുരാജിനൊപ്പം നിന്ന് ഫോട്ടോ എടുക്കണ്ട, അയാളുടെ ഒരു ഫോട്ടോ സുരാജ് എടുത്തു കൊടുത്താല്‍ മതിയത്രെ.
Read more
ഈ ഫോട്ടോ എടുത്തത് സുരാജ് വെഞ്ഞാറമൂടാണ് എന്ന് പറഞ്ഞു സോഷ്യല്‍ മീഡിയയില്‍ ഇടുക എന്നതാണ് പുള്ളിയുടെ ആഗ്രഹം. ഏതായാലും ആരാധകന്‍ തന്ന രസകരമായ പണി താനേറെ ആസ്വദിച്ചുവെന്നാണ് സുരാജ് പറയുന്നത്.
