പുതിയ രൂപത്തിലും ഭാവത്തിലും വീണ്ടും തുറക്കുന്ന എറണാകുളത്തെ ഷേണായീസ് തിയേറ്ററിലെ ആദ്യ റിലീസ് ചിത്രം മമ്മൂട്ടിയുടെ “ദ പ്രീസ്റ്റ്”. പുതുക്കി പണിയുന്നതിനു വേണ്ടി നാല് വര്ഷം മുമ്പ് സിനിമ പ്രദര്ശനം നിര്ത്തി വെച്ച ഷേണായീസ് ഫെബ്രുവരി 4ന് തുറക്കുമ്പോള് ആദ്യ ഷോയ്ക്ക് ടിക്കറ്റ് എടുക്കുന്ന കാണികള് കാണാന് പോകുന്നത് മമ്മൂട്ടിയും മഞ്ജു വാര്യരും ഒന്നിച്ചെത്തുന്ന ദ പ്രീസ്റ്റ് ആണ്.
ചിത്രത്തിന്റെ അണിയറപ്രവര്ത്തകര് ഇതുവരെ പുറത്തിറക്കാത്ത പോസ്റ്റര് ഷേണായിസിന്റെ മുകള്ഭാഗത്ത് തന്നെ പ്രദര്ശിപ്പിച്ചിട്ടുണ്ട്. ഏറെ പ്രതീക്ഷയോടെയാണ് ദ പ്രീസ്റ്റിനായി ആരാധകര് കാത്തിരിക്കുന്നത്. ചിത്രത്തിന്റെ ടീസര് കഴിഞ്ഞ ദിവസം പുറത്തുവിട്ടിരുന്നു. സോഷ്യല് മീഡിയയില് ഏറെ ചര്ച്ചയായ ടീസറിന് 16 ലക്ഷം വ്യൂസ് ആണ് ലഭിച്ചിരിക്കുന്നത്.
ചിത്രത്തിന്റെതായി പുറത്തിറങ്ങിയ മമ്മൂട്ടിയുടെ ലുക്ക് പോസ്റ്ററുകളും സോഷ്യല് മീഡിയയില് ഏറെ ചര്ച്ചയായിരുന്നു. നിഖില വിമല്, ബേബി മോണിക്ക, കരിക്ക് ഫെയിം അമേയ, വെങ്കിടേഷ്, ജഗദീഷ്, ടി ജി രവി, രമേശ് പിഷാരടി, ശിവദാസ് കണ്ണൂര് തുടങ്ങിയവര് മറ്റു പ്രധാന കഥാപാത്രങ്ങളെ അവതരിപ്പിക്കുന്നു.
Read more
ആന്റോ ജോസഫ് ഫിലിം കമ്പനിയും ആര്ഡി ഇല്ലുമിനേഷന്സ് പ്രസന്സിന്റെയും ബാനറില് ആന്റോ ജോസഫും, ബി. ഉണ്ണികൃഷ്ണനും, വി.എന് ബാബുവും ചേര്ന്നാണ് ചിത്രം നിര്മ്മിക്കുന്നത്. ജോഫിന് ടി. ചാക്കോയുടെത് തന്നെ കഥ. ദീപു പ്രദീപും ശ്യാം മേനോനും ചേര്ന്നാണ് തിരക്കഥ ഒരുക്കിയത്.