വര്‍ഷങ്ങള്‍ കഴിഞ്ഞിട്ടും ഇന്നും മലയാളി പ്രേക്ഷകര്‍ ഹൃദത്തില്‍ സൂക്ഷിക്കുന്ന ഒരു ചിത്രമാണ് ഞാന്‍ ഗന്ധര്വ്വന്. പത്മാരാജന്‍ തിരക്കഥ എഴുതി സംവിധാനം ചെയ്ത ചിത്രം ഒരു യുവതിയും ദൈവത്തിന്റെ ശാപമേറ്റ് ഭൂമിയില്‍ വന്ന ഗന്ധര്‍വ്വനും തമ്മിലുള്ള പ്രണയവും വേര്‍പിരിയലുമാണ് പ്രമേയമാക്കിയത്. ഗന്ധര്‍വ്വനായി നിതീഷ് ഭരദ്വാജും പ്രണയിനിയായ സുവര്‍ണ്ണയുമായിരുന്നു ചിത്രത്തില്‍ വേഷമിട്ടത്.
ഞാന്‍ ഗന്ധര്‍വ്വനിലെ ഗന്ധര്വ്വന് ഇന്നത്തെ തലമുറയിലും നിരവധി ആരാധികമാരുണ്ടെന്ന് വെളിപ്പെടുത്തുന്നതാണ് നടി ശാലിന്‍ സോയയുടെ കുറിപ്പ്. ഞാന്‍ ഗന്ധര്വ്വന് ചിത്രീകരിച്ച വീടിന് മുന്നില്‍ നിന്നുള്ള ചിത്രം ഇന്‍സ്റ്റഗ്രാമില്‍ പങ്കുവച്ച് ശാലിന്‍ പങ്കുവെച്ച കുറിപ്പ് ശ്രദ്ധ നേടിയിരിക്കുകയാണ്.
https://www.instagram.com/p/B1ilSEvhhf-/?utm_source=ig_web_copy_link
Read more
“ഷൂട്ടിങ്ങിന് പോകുമ്പോള്‍ മിക്ക ദിവസവും ഞാന്‍ ഈ വീടിനു മുന്നിലൂടെ കടന്നു പോകാറുണ്ട്. വളരെ പരിചയം തോന്നി. എന്നാല്‍ എങ്ങനെ എന്ന് മാത്രം അറിയില്ല . സുഹൃത്തുക്കളുടെ വീടാണോ എന്നൊക്കെ ആലോചിച്ചു. അപ്പോളാണ് ഒരു സുഹൃത്ത് പറഞ്ഞത്, ഇത് ഞാന്‍ ഗന്ധര്വ്വന് ഷൂട്ട് ചെയ്ത വീടാണ്. പെട്ടെന്ന് തന്നെ കാര്‍ നിര്‍ത്തി ഗേറ്റ് തുറന്ന് അകത്തേക്ക് കയറി. ചിത്രവും പകര്‍ത്തി. ഒരു നായ കുരച്ചുകൊണ്ട് ഇരിക്കുന്നുണ്ടായിരുന്നു.. അത് എനിക്ക് വേണ്ടിയായിരുന്നു ഗന്ധര്‍വന് വേണ്ടിയായിരുന്നോ എനിക്ക് അറിയില്ല.” ശാലിന്‍ കുറിച്ചു.
