കോവിഡ് പ്രതിസന്ധി ഭീകരമായി തുടരുന്ന സാഹചര്യത്തില് “കോവിഡ് കിച്ചന്” പദ്ധതി പുനരാരംഭിക്കുന്നുവെന്ന് പ്രൊഡക്ഷന് കണ്ട്രോളറും നിര്മ്മാതാവുമായ ബാദുഷ. എറണാകുളം ജില്ലയില് കോവിഡ് അതിഭീകരമായി തുടരുന്ന സാഹചര്യത്തില് ആരും പട്ടിണി കിടക്കരുത് എന്ന ആഗ്രഹത്തിനാലാണ് സംരംഭം പുനരാരംഭിക്കുന്നതെന്ന് ബാദുഷ ഫെയ്സ്ബുക്ക് പോസ്റ്റിലൂടെ വ്യക്തമാക്കി.
ബാദുഷയുടെ കുറിപ്പ്:
പ്രിയരേ,
കോവിഡിന്റെ ഭീകരമായ ഘട്ടത്തില് എറണാകുളം ജില്ലയില് “ആരും പട്ടിണി കിടക്കരുത്” എന്ന ഉദ്ദേശത്തില് ഒരു കോവിഡ് കിച്ചണ് കൂട്ടായ്മ ഉണ്ടായിരുന്നു. അത് ഒരു വന് വിജയമായി മുമ്പോട്ട് പോകുകയുണ്ടായി. പക്ഷേ ഇന്നത്തെ നമ്മുടെ സാഹചര്യം എല്ലാം മോശമായ രീതിയിലാണ് പോയി കൊണ്ടിരിക്കുന്നത്.
അതു കൊണ്ട് പഴയ പോലെ വിപുലീകരിച്ചുള്ള പരിപാടി സാധ്യമല്ല, ആകയാല് നാളെ വൈകീട്ട് മുതല് കോവിഡ് കിച്ചണ് വീണ്ടും പ്രവര്ത്തനം തുടങ്ങുകയാണ്. നിലവിലെ സാഹചര്യം കണക്കിലെടുത്ത് വളരെ ലഘുവായ രീതിയില് പറ്റാവുന്നത്ര പാവങ്ങളുടെ വിശപ്പ് മാറ്റുക എന്ന ഉദ്ദേശത്തില് തുടങ്ങുന്ന കോവിഡ് കിച്ചണിന് എല്ലാവരുടേയും പ്രാര്ത്ഥനയും സഹകരണവും ഉണ്ടാവണം….
എന്ന്,
നിങ്ങളുടെ സ്വന്തം
ബാദുഷ