ഫഹദ് ഫാസില്‍ ചിത്രങ്ങള്‍ തുടര്‍ച്ചയായി ഒ.ടി.ടി റിലീസിനെത്തിയ സാഹചര്യത്തില്‍ മുന്നറിയിപ്പുമായി ഫിയോക്. ഒ.ടി.ടി റിലീസുകളോട് സഹകരിച്ചാല്‍ ഫഹദിന്റെ ചിത്രങ്ങള്‍ തിയേറ്റര്‍ കാണുകയില്ലെന്ന് ഫിയോക്ക് സമിതി അറിയിച്ചു. പുതിയ ഫിയോക്ക് സമിതിയുടെ ആദ്യ യോഗത്തിന് ശേഷമാണ് തീരുമാനം ഉണ്ടായത്.
സീ യൂ സൂണ്‍, ഇരുള്‍, ജോജി എന്നിങ്ങനെ തുടര്‍ച്ചയായി ഫഹദിന്റെ മൂന്ന് സിനിമകളാണ് ഒ.ടി.ടി പ്ലാറ്റ്‌ഫോമില്‍ റിലീസ് ചെയ്തത്. ഇനിയും ഒ.ടി.ടി റിലീസ് ചെയ്താല്‍ മാലിക്ക് ഉള്‍പ്പടെയുള്ള സിനിമകളുടെ പ്രദര്‍ശനത്തിന് വലിയ രീതിയിലുള്ള തടസങ്ങള്‍ നേരിടുമെന്ന് ഫിയോക് മുന്നറിയിപ്പ് നല്‍കി.
നടന്‍ ദിലീപും സംവിധായകന്‍ ബി. ഉണ്ണികൃഷ്ണനും ഫഹദുമായി ഫോണില്‍ സംസാരിച്ചിരുന്നു. സംഘടനയുടെ തീരുമാനം അറിയിക്കുകയും ഒരു നിലപാടില്‍ എത്തണമെന്ന് ആവശ്യപ്പെടുകയും ചെയ്തു. എന്നാല്‍ ഒ.ടി.ടി ചത്രങ്ങള്‍ മാത്രമായി അഭിനയിക്കുകയില്ല എന്ന് ഉറപ്പ് നല്‍കില്ലെന്നും നല്‍കിയെന്നുമുള്ള റിപ്പോര്‍ട്ടുകളാണ് പുറത്തു വരുന്നത്.
Read more
മഹേഷ് നാരായണന്‍ സംവിധാനം ചെയ്ത സീ യൂ സൂണ്‍ കഴിഞ്ഞ വര്‍ഷം സെപ്റ്റംബറിലാണ് റിലീസ് ചെയ്തത്. കഴിഞ്ഞ ദിവസങ്ങളിലായി ഇരുള്‍, ജോജി എന്നീ ചിത്രങ്ങള്‍ നെറ്റ്ഫ്‌ലിക്‌സ്, ആമസോണ്‍ പ്രൈം എന്നീ ഓണ്‍ലൈന്‍ പ്ലാറ്റ്ഫോമുകളിലൂടെ റിലീസ് ചെയ്തിരുന്നു.
