ബോളിവുഡ് സുന്ദരി ദീപിക പദുക്കോണും സൂപ്പര്സ്റ്റാര് ഹൃത്വിക് റോഷനും ഒന്നിക്കുന്ന സിനിമക്കായി കാത്തിരിക്കുകയാണ് ആരാധകര്. പ്രതീക്ഷയേകി വാര്ത്തകള് പ്രചരിച്ചിരുന്നെങ്കിലും നടന്നില്ല. സംവിധായകന് നിതീഷ് തിവാരിയും രവി ഉദയവാറും ചേര്ന്ന് നിര്മിക്കുന്ന “രാമായണ”യില് രാമനും സീതയുമായി ഇരുവരും എത്തുമെന്നുള്ള റിപ്പോര്ട്ടുകളാണ് പ്രചരിക്കുന്നത്.
ചിത്രത്തിന് ഹൃത്വിക് ഓക്കെ പറഞ്ഞെങ്കിലും ദീപികയുടെ സമ്മതത്തിനായി കാത്തിരിക്കുകയാണ് നിര്മാതാവ് മധു മന്തേന. എന്നാല് സംവിധായകന് നിതീഷ് തിവാരിയുടെ ഭാഗത്ത് നിന്നും ഔദ്യോഗിക സ്ഥീരികരണമൊന്നും ഉണ്ടായിട്ടില്ല. താന് അഭിനേതാക്കളേക്കാളുപരി സ്ക്രിപ്റ്റ് തയാറാക്കാനാണ് ശ്രമിക്കുന്നതെന്നും സംവിധായകന് പറഞ്ഞു.
Read more
“ചിച്ചോരെ” പൂര്ത്തിയാകുന്നതോടെ “രാമായണ”ത്തിലേക്ക് മാത്രം ശ്രദ്ധ കേന്ദ്രീകരിക്കാനാണ് പ്ലാനെന്നും സംവിധായകന് വ്യക്തമാക്കി. ഹിന്ദി, തമില്, തെലുങ്കു എന്നീ മൂന്ന് ഭാഷകളിലായി 3ഡി ഫോര്മാറ്റില് ചിത്രം ഒരുക്കാനുള്ള ഒരുക്കത്തിലാണ്. ചിത്രം വെല്ലുവിളിയായേക്കാമെന്നും സംവിധായകന് കൂട്ടിച്ചേര്ത്തു.