ബിജു മേനോനും നിമിഷ സജയനും കേന്ദ്ര കഥാപാത്രങ്ങളായി വരുന്ന സിനിമയാണ് നാൽപത്തിയൊന്ന്. ലാൽജോസ് സംവിധാനം ചെയ്യുന്ന സിനിമയുടെ ട്രെയിലർ ഇന്റർനെറ്റിൽ ശ്രദ്ധ നേടിയിരുന്നു. ഇപ്പോൾ സിനിമയുടെ വ്യത്യസ്തമായ മോഷൻ പോസ്റ്റർ പുറത്തിറങ്ങി. “ഇമോഷൻ പോസ്റ്റർ ” എന്നാണ് അണിയറ പ്രവർത്തകർ ഈ പോസ്റ്ററിനെ വിശേഷിപ്പിച്ചിട്ടുള്ളത്.
ചെങ്കൊടിയുടെ പശ്ചാത്തലത്തിൽ ഇരുമുടികെട്ടുമായി നിൽക്കുന്ന ബിജു മേനോൻ ആണ് മോഷൻ പോസ്റ്ററിൽ ഉള്ളത്. ഒരു യാത്രയുടെ പശ്ചാത്തലത്തിൽ ഒരുക്കുന്ന പൊളിറ്റിക്കൽ ത്രില്ലർ ആണ് നാൽപത്തിയൊന്ന്. കണ്ണൂരിൽ നടന്ന ഒരു യഥാർത്ഥ സംഭവത്തിന്റെ ദൃശ്യാവിഷ്‌കാരം ആണ് സിനിമ എന്ന് റിപ്പോർട്ടുകൾ ഉണ്ട്. അന്തർദേശിയ നാടക പ്രവർത്തകർ അടക്കം നിരവധി പുതുമുഖങ്ങളും ഈ സിനിമയിൽ ശ്രദ്ധേയമായ റോളുകളിൽ എത്തും.
Read more
തട്ടിൻപുറത്ത് അച്യുതൻ ആണ് ഇതിനു മുന്നേ പുറത്തിറങ്ങിയ ലാൽജോസ് ചിത്രം.നാൽപത്തിയൊന്ന് ലാൽജോസിന്റെ ഇരുപത്തഞ്ചാം സംവിധാന സംരംഭം കൂടിയാണ്. ജി.പ്രജിത്ത്, അനുമോദ് ജോസ്, ആദര്‍ശ് നാരായണന്‍ എന്നിവരാണ് ചിത്രം നിര്‍മിക്കുന്നത്.എസ് കുമാർ ആണ് ചിത്രത്തിൻറെ ഛായാഗ്രാഹകൻ. ബിജിപാൽ ആണ് സംഗീതം നിർവഹിക്കുന്നത്. നാൽപത്തിയൊന്ന് നവംബർ ആദ്യ വാരം തീയറ്ററുകളിൽ എത്തും
