മഞ്ജു വാര്യരുടെ സഹോദരനും നടനുമായ മധു വാര്യര്‍ ആദ്യമായി സംവിധാനം ചെയ്യുന്ന ചിത്രം “ലളിതം സുന്ദര”ത്തിന്റെ എഡിറ്റിംഗ് പുരോഗമിക്കുന്നു. മഞ്ജു വാര്യരും ബിജു മേനോനുമാണ് ചിത്രത്തില്‍ കേന്ദ്ര കഥാപാത്രങ്ങളാകുന്നത്. ലളിതം സുന്ദരത്തിന്റെ എഡിറ്റിംഗ് വേളയില്‍ നിന്നുള്ള ചിത്രമാണ് മഞ്ജു വാര്യര്‍ പങ്കുവെച്ചിരിക്കുന്നത്.
“”എഡിറ്ററുടെ സ്യൂട്ടില്‍ നിന്നുള്ള പുഞ്ചിരി! ഷൂട്ടിംഗ് പുനരാംരഭിക്കാന്‍ ആകാംക്ഷയോടെ കാത്തിരിക്കുകയാണ്”” എന്നാണ് ചിത്രം പങ്കുവെച്ച് മഞ്ജു കുറിച്ചത്. സിനിമയുടെ തിരക്കഥാകൃത്ത് പ്രമോദ് മോഹന്‍ ആണ് ചിത്രം പകര്‍ത്തിയതെന്നും മഞ്ജു പോസ്റ്റില്‍ കുറിച്ചിട്ടുണ്ട്. മഞ്ജു നിര്‍മ്മിക്കുന്ന ആദ്യ കൊമേര്‍ഷ്യല്‍ ചിത്രം കൂടിയാണിത്.
View this post on Instagram
മഞ്ജു വാര്യര്‍ പ്രൊഡക്ഷന്‍സിന്റെ ബാനറിലാണ് ചിത്രം നിര്‍മ്മിക്കുന്നത്. ദിലീഷ് പോത്തന്‍, സൈജു കുറുപ്പ്, രഘുനാഥ് പലേരി, സറീന വഹാബ്, ദീപ്തി സതി എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. പി സുകുമാരാണ് ഛായാഗ്രഹണം. സംഗീതം ബിജിബാല്‍.
Read more
ഇന്നലെകള്‍ ഇല്ലാതെ, കുടമാറ്റം, കൃഷ്ണഗുഡിയില്‍ ഒരു പ്രണയകാലത്ത്, പ്രണയവര്‍ണങ്ങള്‍, പത്രം, കണ്ണെഴുതി പൊട്ടും തൊട്ട് തുടങ്ങിയ ചിത്രങ്ങള്‍ക്ക് ശേഷമാണ് ലളിതം സുന്ദരത്തിലൂടെ മഞ്ജു വാര്യരും ബിജു മേനോനും വീണ്ടും ഒന്നിക്കുന്നത്.
