ഏതൊരു കഥാപാത്രത്തെയും അനായാസം തന്നിലേക്ക് ആവാഹിച്ചെടുക്കാനുള്ള കഴിവ് തന്നെയാണ് മമ്മൂട്ടിയുടെ വ്യത്യസ്തനാക്കുന്നത്. മലയാളത്തിലെ ബ്രഹ്മാണ്ഡ ചിത്രമായ “മാമാങ്ക”ത്തിലെ പെണ്‍ വേഷം ഏറെ വൈറലായിരിക്കുകയാണ്. സോഷ്യല്‍ മീഡിയയിലും താരത്തിന്റെ ലുക്ക് ഏവരും പുകഴ്ത്തുകയാണ്.
മമ്മൂട്ടിയെ ഈ വേഷത്തില്‍ അണിയിച്ചൊരുക്കിയത് മേക്കപ്പ് ആര്‍ട്ടിസ്റ്റ് റോഷന്‍ എന്‍.ജി ആണ്. ആദ്യം മീശ എടുക്കാന്‍ ഉദ്ദേശിച്ചിരുന്നുവെങ്കിലും പിന്നീട് മീശയും താടിയും വെച്ചുകൊണ്ട് തന്നെ ചെറിയൊരു സ്‌ത്രൈണ ഭാവത്തില്‍ മതിയെന്ന് തീരുമാനിക്കുകയായിരുന്നു എന്നാണ് റോഷന്‍ ഒരു അഭിമുഖത്തിനിടെ വ്യക്തമാക്കിയിരിക്കുന്നത്.
“”നാലോളം സ്‌കെച്ചുകള്‍ ചെയ്ത് നോക്കിയിരുന്നു. രണ്ട് പ്രാവശ്യം ട്രയല്‍ നടത്തി. മൂന്നോളം വിഗ്ഗുകള്‍ മാറിമാറി പരീക്ഷിച്ചു. വിഗ്ഗും ഫീച്ചറുമാണ് ഹൈലൈറ്റ്. ചെറുതായി സ്‌കിന്‍ ടെക്ചറില്‍ മാറ്റം വരുത്തിയിട്ടുണ്ട്. ഈ ലുക്ക് മമ്മൂക്കയ്ക്കും സംവിധായകന്‍ എം.പത്മകുമാറിനും ഇഷ്ടമായി”” അങ്ങനെയാണ് മമ്മൂട്ടിയുടെ പെണ്‍ വേഷം ഒരുക്കിയതെന്ന് റോഷന്‍ പറഞ്ഞു.
Read more
“മായാമോഹിനി”, “കമ്മാരസംഭവം”, “വിശ്വരൂപം”, “കാശ്‌മോര”, “അനാര്‍ക്കലി”, “ഒടിയന്‍” തുടങ്ങിയ ചിത്രങ്ങളില്‍ വര്‍ക്ക് ചെയ്ത ആര്‍ട്ടിസ്റ്റാണ് റോഷന്‍. തമിഴില്‍ വിജയ് സേതുപതിക്കൊപ്പം “ലാഭം” തെലുങ്കില്‍ നാനിയുടെ “വി” എന്ന ചിത്രത്തിന്റെ തിരക്കിലാണ് റോഷന്‍ ഇപ്പോള്‍.
