തെന്നിന്ത്യൻ സിനിമാ ലോകത്തെ ഏറ്റവും പ്രിയപ്പെട്ട മാതൃകാ ദമ്പതികളാണ് സൂര്യയും ജ്യോതികയും. ഇപ്പോഴിതാ തങ്ങളുടെ മക്കൾക്കൊപ്പം പൊതുവേദിയിൽ അപൂർവ്വമായി നടത്തിയ സാന്നിധ്യം സോഷ്യൽ മീഡിയയിൽ ചർച്ചയാവുകയാണ്. ജ്യോതികയുടെ മാറ്റം കണ്ട് അമ്പരന്നിരിക്കുകയാണ് ആരാധകർ.
ജ്യോതിക പ്രധാന വേഷത്തിലെത്തുന്ന ഏറ്റവും പുതിയ ചിത്രമായ ‘സിസ്റ്റം’ (System) എന്ന സിനിമയുടെ പ്രീമിയർ ഷോയ്ക്കാണ് ഈ സുന്ദര കുടുംബം ഒരുമിച്ചെത്തിയത്. ഏറെ നാളുകൾക്ക് ശേഷമാണ് സൂര്യ, ജ്യോതിക, മകൾ ദിയ, മകൻ ദേവ് എന്നിവരെ ഒരുമിച്ച് ഒരു പൊതുവേദിയിൽ ഒരേ ഫ്രെയിമിൽ കാണാൻ സാധിക്കുന്നത്.
പ്രീമിയർ ചടങ്ങിനായി കറുപ്പ് നിറത്തിലുള്ള ലളിതവും എന്നാൽ അതീവ സ്റ്റൈലിഷുമായ വസ്ത്രങ്ങളാണ് കുടുംബം തിരഞ്ഞെടുത്തത്. ബ്ലാക്ക് തീമിൽ തിളങ്ങിയ ഇവരുടെ ചിത്രങ്ങളും വീഡിയോകളും നിമിഷങ്ങൾക്കകമാണ് ഇൻസ്റ്റാഗ്രാമിലും എക്സിലും തരംഗമായി മാറിയത്. വേദിയിലെ ഇവരുടെ പരസ്പരമുള്ള സ്നേഹപ്രകടനങ്ങളും സന്തോഷ നിമിഷങ്ങളും ക്യാമറക്കണ്ണുകൾക്കൊപ്പം ആരാധകരുടെയും മനം കവർന്നു.
Read more
