ജോബി ജോര്ജിന്റെ നിര്മ്മാണത്തില് മമ്മൂട്ടി നായകനായെത്തുന്ന അജയ് വാസുദേവ് ചിത്രം ഷൈലോക്ക് നാളെ തിയേറ്ററുകളില് എത്തുകയാണ്.ചിത്രത്തിനായി ആരാധകര് കാത്തിരിപ്പ് തുടരുമ്പോള് ജോബി ജോര്ജ് തന്റെ ഫെയ്സ്ബുക്കില് കുറിച്ച വാക്കുകള് സോഷ്യല്മീഡിയയില് വൈറലാകുകയാണ്. എന്തൊക്കെയോ പറയാനും പ്രവര്ത്തിക്കാനും തനിക്ക് തോന്നുന്നുവെന്ന് അദ്ദേഹം ഫെയ്സ്ബുക്കില് പോസ്റ്റ് ചെയ്തിരുന്നു. ഷൈലോക്കിനെതിരെ ഒരു ഡീഗ്രേഡിംഗ് ഭയക്കുന്നുണ്ടോ എന്നൊക്കയാണ് ആരാധകര് ചോദിക്കുന്നത്.
രാജാധിരാജ, മാസ്റ്റര്പീസ് എന്നീ ചിത്രങ്ങള്ക്ക് ശേഷം മമ്മൂട്ടിയും അജയ് വാസുദേവും ഒന്നിക്കുന്ന ചിത്രമാണിത്. ദ് മണി ലെന്ഡര് എന്നാണ് ചിത്രത്തിന്റെ ടാഗ്ലൈന്. തമിഴ് താരം രാജ്കിരണ് ചിത്രത്തിലൊരു പ്രധാനവേഷം ചെയ്യുന്നുണ്ട്. മീനയാണ് നായിക.
നവാഗതരായ അനീഷ് ഹമീദും ബിബിന് മോഹനും ചേര്ന്നാണ് ചിത്രത്തിന്റെ കഥ തിരക്കഥ സംഭാഷണം എന്നിവ രചിച്ചിരിക്കുന്നത്. രണദിവ് ആണ് ഛായാഗ്രഹണം. സംഗീതം ഗോപി സുന്ദര്. ഗുഡ്വില് എന്റര്ടെയ്ന്മെന്റ്സിന്റെ ബാനറില് ജോബി ജോര്ജ്ജ് ആണ് ചിത്രം നിര്മ്മിക്കുന്നത്.