സിനിമാ പ്രേമികള്‍ കാത്തിരുന്ന ലിജോ ജോസ് പെല്ലിശേരി “ജല്ലിക്കട്ട്” നാളെ തിയേറ്ററുകളിലെത്തും. ചിത്രത്തിന് യു എ സര്‍ട്ടിഫിക്കറ്റാണ് ലഭിച്ചിരിക്കുന്നത്. അമ്പരപ്പിക്കുന്ന മേക്കിങിലൂടെ വിസ്മയിപ്പിക്കുന്ന കാഴ്ച്ചകളാണ് ലിജോ ഒരുക്കിയിരിക്കുന്നത്. മലയാള സിനിമയെ പുതിയ ഉയരങ്ങളിലേക്ക് അതിവേഗം ഈ ജല്ലിക്കട്ട് ഓടിയെത്തിക്കുമെന്നാണ് സിനിമ പ്രേമികളുടെ പ്രതീക്ഷ.
എസ്. ഹരീഷ്, ആര്‍. ജയകുമാര്‍ എന്നിവര്‍ ചേര്‍ന്ന് തിരക്കഥ ഒരുക്കിയിരിക്കുന്ന ചിത്രത്തില്‍ വമ്പന്‍ താരനിരയാണ് അണിനിരക്കുന്നത്. ആന്റണി വര്‍ഗീസിനൊപ്പം ചെമ്പന്‍ വിനോദ് ജോസ്, സാബുമോന്‍ തുടങ്ങിയവര്‍ ചിത്രത്തില്‍ പ്രധാന വേഷങ്ങളിലെത്തുന്നു. ഹരീഷ് എഴുതിയ മാവോയിസ്റ്റ് എന്ന ചെറുകഥയെ ആസ്പദമാക്കിയുള്ളതാണ് ചിത്രം. ഗ്രാമത്തില്‍ കയറുപൊട്ടിച്ചോടുന്ന പോത്തിനെ മെരുക്കാന്‍ ശ്രമിക്കുന്ന ഒരുകൂട്ടം ആളുകളുടെ കഥയാണ് ചിത്രം പറയുന്നത്.
Read more
തരംഗം ഫെയിം ശാന്തിയാണ് നായിക. അങ്കമാലി ഡയറീസിന് വേണ്ടി ക്യാമറ ചലിപ്പിച്ച ഗിരീഷ് ഗംഗാധരന്‍ തന്നെയാണ് ജല്ലിക്കട്ടിനും ഛായാഗ്രഹണം നിര്‍വ്വഹിച്ചിരിക്കുന്നത്. പ്രശാന്ത് പിളളയാണ് സംഗീതമൊരുക്കിയിരിക്കുന്നത്.
