ഫഹദ് ഫാസിലിന്റെ കരിയറിലെ ഏറ്റവും വെല്ലുവിളിയേറിയ കഥാപാത്രത്തെ അവതരിപ്പിക്കുന്ന ചിത്രം മാലിക്ക് ഏപ്രില് മാസം തിയേറ്ററുകളില് എത്തും.
ടേക്ക് ഓഫിന് ശേഷം മഹേഷ് നാരായണന് ഒരുക്കുന്ന ചിത്രമാണിത്. ആന്റോ ജോസഫ് ഫിലിം കമ്പനിയുടെ ബാനറില് ആന്റോ ജോസഫാണ് ചിത്രം നിര്മ്മിക്കുന്നത്.
അതിഗംഭീര മേക്കോവറാണ് ചിത്രത്തില് ഫഹദിന്റേത്. ചിത്രത്തിന് വേണ്ടി 20 കിലോയോളം ഭാരം കുറച്ച് ഫഹദ് പ്രേക്ഷകരെ ഞെട്ടിച്ചിരുന്നു. സുലൈമാന് എന്ന കഥാപാത്രമായാണ് ഫഹദ് വേഷമിടുന്നത്. 20 വയസ് മുതല് 57 വയസ് വരെയുള്ള നാല് കാലഘട്ടങ്ങളാണ് ചിത്രത്തില് കാണിക്കുന്നത്. തീരദേശ പ്രദേശങ്ങളിലെ ഭൂമി കൈയേറ്റം തുടങ്ങിയ പ്രശ്നങ്ങള് പോലെ ഏറെ കാലിക പ്രസക്തിയുള്ള വിഷയമാണ് ചിത്രം കൈകാര്യം ചെയ്യുന്നത്.
Read more
25 കോടി ബഡ്ജറ്റ് കണക്കാക്കുന്ന ഈ ബിഗ് ബഡ്ജറ്റ് ചിത്രത്തില് വലിയ താരനിര തന്നെയാണ് ഉള്ളത്. ജോജു ജോര്ജ്, വിനയ് ഫോര്ട്ട്, ദിലീഷ് പോത്തന്, അപ്പാനി ശരത്ത്, ഇന്ദ്രന്സ്, പഴയ സൂപ്പര് സ്റ്റാര് നായിക ജലജ എന്നിവരും ചിത്രത്തില് വേഷമിടുന്നു. സന്തോഷ് രാമന് കലാസംവിധാനവും, സാനു ജോണ് വര്ഗീസ് ക്യാമറയും സുഷിന് ശ്യം സംഗീതവും നിര്വഹിക്കുന്നു.