ഷാജി എന്‍ കരുണ്‍ ചിത്രം ഓളില്‍ ഷെയ്ന്‍ നിഗവുമൊത്ത് അഭിനയിച്ചതിനെക്കുറിച്ച് മനസ്സുതുറന്ന് നടി എസ്തര്‍ അനില്‍. ഓളില്‍ ഷെയ്‌നുമായിട്ടുള്ള പ്രണയമാണ് പ്രമേയമെങ്കിലും ഞങ്ങള്‍ തമ്മിലുള്ള കോമ്പിനേഷന്‍ സീനുകള്‍ കുറവായിരുന്നു. സ്‌ക്രിപ്ട് ചര്‍ച്ച ചെയ്യുവാനും അഭിനയത്തില്‍ സഹായിക്കുവാനുമൊക്കെ ഷെയ്ന്‍ വന്നിരുന്നു. ആള് ശരിക്കും സൂപ്പറാണ്. വ്യത്യസ്തമായ ചിന്തകളും കാഴ്ചപ്പാടുകളുമൊക്കെയാണ്. ഒട്ടും ഫേക്ക് അല്ല ഷെയ്ന്‍. കേരളകൗമുദിയുമായുള്ള അഭിമുഖത്തില്‍ നടി പറഞ്ഞു.
ചിത്രത്തില്‍ ഷെയ്ന്‍ നിഗം, എസ്തര്‍ അനില്‍ എന്നിവരാണ് പ്രധാന കഥാപാത്രങ്ങളാകുന്നത്. കാദംബരി ശിവായ, കനി സുകൃതി, കാഞ്ചന, പി ശ്രീകുമാര്‍, എസ് ഗോപാലകൃഷ്ണന്‍ എന്നിവരാണ് മറ്റുതാരങ്ങള്‍.
Read more
കാസര്‍ഗോഡ് ജില്ലയിലെ അഴിത്തല അഴിമുഖം, മുണ്ടേമാട്, കന്നുവീട് കടപ്പുറം, ഇടയിലക്കാട്, മാടക്കാല്‍ എന്നിവിടങ്ങളിലായിരുന്നു ചിത്രീകരണം. എ.വി അനൂപ് ആണ് നിര്‍മ്മാണം. കഴിഞ്ഞ വര്‍ഷത്തെ ഗോവന്‍ അന്താരാഷ്ട്ര മേളയിലെ ഇന്ത്യന്‍ പനോരമയുടെ ഉദ്ഘാടന ചിത്രമായിരുന്നു “ഓള്”.
