ഷിബു ചിത്രത്തിലൂടെ ശ്രദ്ധേയനായ കാര്ത്തിക് രാമകൃഷ്ണന് കേന്ദ്ര കഥാപാത്രമാവുന്ന “ബനേര്ഘട്ട” റിലീസിന് ഒരുങ്ങുന്നു. നവാഗതനായ വിഷ്ണു നാരായണന് സംവിധാനം ചെയ്യുന്ന ചിത്രം മലയാളം, തമിഴ്, തെലുങ്ക്, ഹിന്ദി ഭാഷകളിലായാണ് ഒരുങ്ങുന്നത്. ചിത്രം ആമസോണ് പ്രൈമില് ജൂണ് അവസാനത്തോടെ റിലീസ് ചെയ്യും.
ദൃശ്യം 2, ജോജി എന്നീ ചിത്രങ്ങള്ക്ക് ശേഷം ആമസോണില് നേരിട്ട് റിലീസാവുന്ന മൂന്നാമത്തെ മലയാളം ചിത്രമാണ് ബനേര്ഘട്ട. ഒരു ഡ്രൈവര് അയാള്ക്ക് പല സമയങ്ങളില് പലയോളുകളോടായി പറയേണ്ടി വരുന്ന കള്ളങ്ങള്, അയാള് പോലുമറിയാതെ ചെന്നുപെടുന്ന സംഭവങ്ങള് ഒക്കെയാണ് സിനിമ പറയുന്നത്.
വിനോദ്, അനൂപ്, സുനില്, അനൂപ് എ.എസ്, ആശ മേനോന് എന്നിവരും ചിത്രത്തില് അഭിനയിക്കുന്നു. മാംപ്ര ഫൗണ്ടേഷന്റെ സഹകരണത്തോടെ കോപ്പി റൈറ്റ് പിക്ച്ചേഴ്സിന്റെ ബാനറില് നിര്മ്മിച്ചിരിക്കുന്ന സിനിമയുടെ തിരക്കഥ, സംഭാഷണം ഒരുക്കിയത് അര്ജുന് പ്രഭാകരന്, ഗോകുല് രാമകൃഷ്ണന് എന്നിവര് ചേര്ന്നാണ്.
Read more
ബിനു ഛായാഗ്രഹണവും പരീക്ഷിത്ത് എഡിറ്റിംഗും നിര്വ്വഹിക്കുന്നു. കല-വിഷ്ണു രാജ്, മേക്കപ്പ്-ജാഫര്, വസ്ത്രാലങ്കാരം-ലസിത പ്രദീപ്, സംഗീതം-റീജോ ചക്കാലയ്ക്കല്, പ്രൊജക്റ്റ് ഡിസൈനര്-വിനോദ് മണി, പരസ്യകല-കൃഷ്ണപ്രസാദ് കെ വി, അസ്സോ: ഡയറക്ടര്-അഖില് ആനന്ദ്, അസ്സോ: ക്യാമറമാന്-അഖില് കോട്ടയം, ടൈറ്റില്-റിയാസ് വൈറ്റ് മാര്ക്കര്, സ്റ്റില്സ്-ഫ്രാങ്കോ ഫ്രാന്സിസ്സ്, വാര്ത്ത പ്രചരണം-പി. ശിവപ്രസാദ്.