എൺപത്തിയാറ് പുതുമുഖങ്ങളുമായി മലയാള സിനിമയില് വേറിട്ടൊരു ഇടം കണ്ടെത്തിയ ചിത്രമാണ് അങ്കമാലി ഡയറീസ്. ചിത്രത്തിനോടൊപ്പം തന്നെ അതില് അഭിനയിച്ച താരങ്ങളും പ്രേക്ഷക ശ്രദ്ധ നേടി. അപ്പാനി രവിയും ലിച്ചിയുമെല്ലാം മറ്റു ചിത്രങ്ങളിലൂടെ നിറഞ്ഞാടിയപ്പോള് നായകനായ വിന്സെന്റ് പെപ്പെ എന്ന കഥാപാത്രത്തെ അവതരിപ്പിച്ച ആന്റണി വര്ഗീസിന്റെ മുഖം പിന്നീട് എവിടേയും കണ്ടില്ല.
മറ്റൊരു ശക്തമായ കഥാപാത്രവുമായി ആന്റണി പ്രേക്ഷകര്ക്ക് മുന്നിലേക്ക് എത്തുകയാണ് “സ്വാതന്ത്ര്യം അര്ദ്ധരാത്രിയില്” എന്ന ചിത്രത്തിലൂടെ.പേരു സൂചിപ്പിക്കുന്നത് പോലെ നിഗൂഢതകള് നിറഞ്ഞ ടീസര് പുറത്തുവന്നിരിക്കുകയാണ്. 1.43 മിനിറ്റ് ദൈര്ഘ്യമുള്ള ടീസര് ടൊവിനോ തോമസാണ് തന്റെ ഔദ്യോഗിക ഫേസ്ബുക്ക് പേജിലൂടെ പുറത്ത് വിട്ടത്. കോട്ടയത്തിന്റെ പശ്ചാത്തലത്തില് ഒറ്റ രാത്രിയില് നടക്കുന്ന സംഭവങ്ങളാണ് ചിത്രത്തിന്റെ ഇതിവൃത്തം.
https://www.facebook.com/ActorTovinoThomas/videos/334681983682828/
അങ്കമാലി ഡയറീസിന് ശേഷം ഇരുനൂറോളം കഥകള് കേട്ട ശേഷമാണ് ആന്റണി ഈ ചിത്രം തെരഞ്ഞെടുത്തത്. ആദ്യ ചിത്രത്തിന്റെ അണിയറ പ്രവര്ത്തകര് തന്നെയാണ് “സ്വാതന്ത്ര്യം അര്ദ്ധരാത്രിയില്” എന്ന ചിത്രത്തിന്റെയും ടീം. ടിനു പാപ്പച്ചന് ആദ്യമായി സംവിധാനം ചെയ്യുന്ന ചിത്രത്തിന് തിരക്കഥ ഒരുക്കുന്നത് നവാഗതനായ ദിലീപ് കുര്യനാണ്.
Read more
തിരക്കഥാകൃത്തും സംവിധായകനുമായ ബി ഉണ്ണികൃഷ്ണന് ആദ്യമായി നിര്മാതാവാകുന്ന ചിത്രം കൂടെയാണ് സ്വാതന്ത്ര്യം അര്ദ്ധരാത്രിയില്.അങ്കമാലി ഡയറീസിന്റെ സംവിധായകന് ലിജോ ജോസ് പല്ലിശ്ശേരിയും തിരക്കഥകൃത്ത് ചെമ്പന് വിനോദും സഹനിര്മാതാക്കളായും എത്തുന്നു. നായിക പുതുമുഖമായിരിക്കുമെന്നാണ് റിപ്പോര്ട്ട്. അങ്കമാലി ഡയറീസ് താരം ടിറ്റോ വില്സണനൊപ്പം വിനായകന്, ചെമ്പന് വിനോദ് എന്നിവരും ചിത്രത്തില് പ്രധാന വേഷങ്ങളിലെത്തുന്നു.