സിനിമാ മേഖലയിലെ സ്വജനപക്ഷപാതത്തെക്കുറിച്ചുള്ള ഒരു പ്രേക്ഷകന്റെ ചോദ്യത്തിന് സംവിധായകന് വിനയന് നല്കിയ മറുപടിയാണ് ഇപ്പോള് സോഷ്യല് മീഡിയയില് വൈറലാകുന്നത്. തന്റെ പുതിയ ചിത്രമായ ‘പത്തൊമ്പതാം നൂറ്റാണ്ടി’ന്റെ പുതിയ ക്യാരക്റ്റര് പോസ്റ്റര് പങ്കുവച്ചുകൊണ്ട് വിനയന് ഇട്ട ഫേസ്ബുക്ക് പോസ്റ്റിനു താഴെയാണ് ഒരു പ്രേക്ഷകന് ചോദ്യവുമായി എത്തിയത്.
‘സിനിമയില് അഭിനയിക്കുന്ന ആളുകള് മുഴുവനും പഴയ നടിയുടെ അനിയത്തി അലെങ്കില് പഴയ നടന്റെ അനിയന്.. സിനിമാ കുടുംബത്തിലെ അംഗങ്ങള് ആയിരിക്കും. അങ്ങനെയാ കണ്ടുവരുന്നത്. അല്ലാത്തെ കഴിവുള്ള ഒരുപാട് പേര് ഒരു ചാന്സ് ചോദിച്ചാല് കിട്ടില്ല. എന്താ ഇതിനു പിന്നിലെ രഹസ്യം?
അതോ പൈസയാണോ പ്രശ്നക്കാരന് അതോ സൗന്ദര്യമോ? സൗന്ദര്യം നോക്കിയാണ് അഭിനേതാവിനെ തിരഞ്ഞെടുക്കുന്നതെങ്കില് സത്യന് എന്ന അതുല്യ പ്രതിഭ ഉണ്ടാവില്ല. വിനയന് എന്ന സംവിധായകനോട് ബഹുമാനത്തോടെ ചോദിച്ചോട്ടെ, സിനിമയില് അഭിനയിക്കാന് വേണ്ട മാനദണ്ഡം എന്താണ്? കഴിവ്, പൈസ, സൗന്ദര്യം, വിദ്യാഭ്യാസം..?. എന്നായിരുന്നു പ്രേക്ഷകന്റെ ചോദ്യം.
Read more
‘നിങ്ങള് പറയുന്നതാണ് മാനദണ്ഡം എങ്കില് കലാഭവന് മണിയെയും ജയസൂര്യയെയും മണിക്കുട്ടനെയും സെന്തിലിനെയും ഒന്നും ഞാന് നായകന്മാരാക്കില്ലായിരുന്നല്ലോ?’. എന്നായിരുന്നു വിനയന് നല്കിയ മറുപടി. വിനയന്റെ മറുപടിക്ക് മികച്ച പ്രതികരണമാണ് ലഭിച്ചിരിക്കുന്നത്. സംവിധായകന്റെ മറുപടി അംഗീകരിച്ച് നിരവധിപേര് രംഗത്ത് വന്നു. പത്തൊന്പതാം നൂറ്റാണ്ടിലെ തിരുവിതാംകൂര് പശ്ചാത്തലമാക്കി വിനയന് സംവിധാനം ചെയ്യുന്ന ചിത്രത്തില് സിജു വില്സണ് ആണ് നായകന്.