തനിക്കെതിരെ വരുന്ന പരാമർശങ്ങളിൽ പ്രതികരിച്ച് ഷെെൻ ടോം ചാക്കോ. കുടുക്ക് 2025 സിനിമയുടെ പ്രൊമോഷന്റെ ഭാഗമായി നടന്ന പത്രസമ്മേളനത്തിലാണ് അദ്ദേഹം ഇക്കാര്യത്തെക്കുറിച്ച് സംസാരിച്ചത്. സോഷ്യൻ മീഡിയകളാണ് സിനിമയെ പ്രമോട്ട് ചെയ്യുന്നതെന്ന മാധ്യമ പ്രവർത്തകന്റെ പരാമർശത്തിന് മറുപടിയായാണ് സോഷ്യൽ മീഡിയ ഉണ്ടാകുന്നതിന് മുൻപേ സിനിമകളുണ്ടായിട്ടുണ്ടെന്ന് ഷെെൻ പറഞ്ഞത്.
അന്ന് കലയെ അംഗീകരിച്ചിരുന്നു. ഒരു ട്രെയിലർ പോലുമില്ലാതെ ഹിറ്റായ എത്രയോ ചിത്രങ്ങൾ ഉണ്ടെന്നും അദ്ദേഹം കൂട്ടിച്ചേർത്തു. സോഷ്യൽ മീഡിയ ഉണ്ടാകുന്നതിന് മുൻപേ സിനിമകളുണ്ടായിട്ടുണ്ടെന്നും അന്നില്ലാത്ത പ്രശ്നങ്ങളാണ് ഇന്നെന്നും അദ്ദേഹം പറഞ്ഞു.
പലപ്പോഴും സോഷ്യൽ മീഡിയ ചാനലുകൾ തന്നെ പരസ്യമായി ആക്ഷേപിച്ചിട്ടുണ്ടെന്നും അദ്ദേഹം പറഞ്ഞു. കലാകാരൻമാർ പണത്തിനാണോ പ്രധാന്യം നൽകുന്നത് എന്ന ചോദ്യത്തിന് പണത്തിനല്ല, കലയ്ക്കാണ് പ്രധാന്യം നൽകുന്നതെന്നായിരുന്നു ഷെെന്റെ മറുപടി.
Read more
പണത്തിന് പ്രാധാന്യം നൽകുന്നത് ഒരു കലകാരന് മുഴുവൻ സമയവും കലയിൽ മുഴുകാനാണെന്നും, ബാക്കി ജീവിത പ്രാരാബ്ധങ്ങളിൽ നിന്ന് മാറി നിൽക്കാനാണെന്നും അദ്ദേഹം കൂട്ടിച്ചേർത്തു.