അനുഷ്‌ക്കാ ഷെട്ടിയുടെ സോഷ്യോ ത്രില്ലര്‍ ചിത്രം ബാഗമതിയെ പുകഴ്ത്തി തെലുങ്ക് നായകന്‍ രാം ചരണ്‍. ബാഗമതി കണ്ട ശേഷം തന്റെ ഫെയ്‌സ്ബുക്ക് പേജില്‍ എഴുതിയ കുറിപ്പിലാണ് ബാഗമതി ഗംഭീര ചിത്രമാണെന്ന് പറഞ്ഞിരിക്കുന്നത്.
ഇന്നലെ രാത്രി ബാഗമതി കാണാന്‍ ഇടയായി. അനുഷ്‌ക്കയുടെ പ്രകടനം അതിഗംഭീരമാണ്. സാങ്കേതിക, നിര്‍മ്മാണ ഗുണമേന്മ മഹത്തരമാണ്. ടീം ബാഗമതിക്ക് എന്റെ കൈയടി. നിങ്ങള്‍ക്ക് അഭിനന്ദനം..സിനിമ കണ്ടശേഷം എന്റെ ഭാര്യ ഇന്നലെ രാത്രിയില്‍ ഉറങ്ങിയിട്ടില്ല.
അശോകിന്റെ സംവിധാനത്തില്‍ തീയേറ്ററുകളിലെത്തിയ ബാഗമതിയില്‍ അനുഷ്‌കയ്ക്കു പുറമേ മലയാള താരങ്ങളായ ജയറാം, ആശാ ശരത്, ഉണ്ണിമുകുന്ദന്‍ എന്നിവരും പ്രധാനകഥാപാത്രങ്ങളെ അവതരിപ്പിക്കുന്നുണ്ട്.
റിലീസ് ചെയ്ത് ഏഴു ദിവസം കൊണ്ട് 50 കോടി രൂപയ്ക്ക് മേല്‍ ആഗോള ബോക്‌സ് ഓഫീസില്‍നിന്ന് കളക്ട് ചെയ്ത ചിത്രത്തിന് കേരളത്തില്‍നിന്നും മികച്ച പ്രതികരണമാണ് ലഭിക്കുന്നത്.
Read more
https://www.facebook.com/AlwaysRamCharan/photos/a.298908460257547.1073741830.177773979037663/967730133375373/?type=3&theater
