മലയാളത്തിന്റെ താര രാജാവായ മമ്മൂട്ടി ബിലാൽ ജോൺ കുരിശിങ്കൽ ആയി വീണ്ടും എത്തുന്നു. ബിഗ് ബി എന്ന സൂപ്പർ ഹിറ്റ് ചിത്രത്തിന്റെ രണ്ടാം ഭാഗം മമ്മൂട്ടിയുടെ കഥാപാത്രത്തിന്റെ പേരിൽ തന്നെയാണ് എത്തുന്നത്. ആരാധകർക്ക് വൻ പ്രതീക്ഷയാണ് ബിലാലിന്റെ രണ്ടാം വരവ് ഉണർത്തുന്നത്. ഈ വേളയിൽ ബിഗ് ബി എന്ന ചിത്രത്തെക്കുറിച്ച് അറിഞ്ഞിരിക്കേണ്ട പത്തു കാര്യങ്ങൾ.

• മലയാള സിനിമ ചരിത്രത്തിൽ തന്നെ ഒരു നവ്യാനുഭവമായി ബിഗ് ബി മാറുകയായിരുന്നു. ബിഗ് ബി എന്ന പരീക്ഷണ ചിത്രത്തിന്റെ സൂപ്പർ വിജയത്തിന് ശേഷം മലയാളത്തിലേക്ക് പരീക്ഷണ ചിത്രങ്ങളുടെ സാന്നിധ്യം വർധിച്ചു. പരീക്ഷണ ചിത്രങ്ങൾക്കു ഒരു തുടക്കം കുറിക്കുകയായിരുന്നു ബിഗ് ബി.
• ബിഗ് ബി റിലീസ് ചെയ്തിട്ടു 10 വർഷങ്ങൾ തികഞ്ഞപ്പോൾ ആണ് ചിത്രത്തിന്റെ രണ്ടാം ഭാഗത്തിന്റെ പണിപ്പുര ആരംഭിച്ചതായി ചിത്രത്തിന്റെ സംവിധായകനായ അമൽ നീരദ് ഫേസ്ബുക്കിലൂടെ അറിയിച്ചത്.
• ചിത്രത്തിന് നിരൂപക പ്രശംസ ഏറെ ലഭിച്ചെങ്കിലും പ്രേക്ഷക ശ്രദ്ധ ആദ്യ ദിനങ്ങളിൽ നേടാൻ സാധിച്ചിരുന്നില്ല. പിന്നീട് ഗ്യാങ്സ്റ്റർ ബിലാലിനെ ജനങ്ങൾ ഏറ്റെടുക്കുകയായിരുന്നു. ബിലാൽ ഒരു കൾട്ട് കഥാപാത്രമായി മാറി.

• ഏപ്രിൽ 13 2007 റിലീസ് ആയ ഹിറ്റ് ചിത്രമായിരുന്നു ബിഗ്‌ബി. 100 ദിവസങ്ങളിൽ കൂടുതൽ ചിത്രം തിയേറ്ററിൽ കളിച്ചു.
• ചിത്രത്തിന്റെ പ്രേമേയവും ചിത്രീകരിച്ച രീതിയും വേറിട്ടതായിരുന്നു. പ്രേക്ഷകരെ അമ്പരിപ്പിച്ച ഒരു വ്യത്യസ്ഥത ചിത്രത്തിന് ഉണ്ടായിരുന്നു.
• ബിഗ് ബി എന്ന ചിത്രം മികവുറ്റ ഒരുപിടി കലാകാരന്മാരെ മലയാളത്തിന് സംഭാവന ചെയ്തു. സംവിധായകനായ അമൽ നീരദ്, ഛായാഗ്രാഹകനായ സമീർ താഹീർ, ദേശിയ അവാർഡ് ലഭിച്ച എഡിറ്റർ വിവേക് ഹർഷൻ, സംഗീതം നൽകിയ ഗോപി സുന്ദർ എന്നിവരാണ് ആ പ്രതിഭകൾ.
• മമ്മൂട്ടിയെ കൂടാതെ മനോജ് കെ ജയൻ, ബാല, നഫീസ അലി, മമത മോഹൻദാസ്, ലെന, ഇന്നസെന്റ്, പശുപതി, വിനായകൻ, വിജയരാഘവൻ, മണിയൻപിള്ള രാജു തുടങ്ങി വൻ താര നിര തന്നെ ചിത്രത്തിന്റെ ഭാഗമായി.
• ശ്രേയ ഘോഷാൽ ആദ്യമായി മലയാളത്തിൽ പാടിയത് ബിഗ് ബിയിലെ വിട പറയുകയാണോ എന്ന ഗാനത്തിലൂടെ ആയിരുന്നു.