എബി ഡിവില്ലിയേഴ്സ് എന്തിനാണ് ഇത്രയും വേഗം ക്രിക്കറ്റിൽ നിന്ന് വിരമിച്ചത്? അദ്ദേഹം വിരമിച്ച ശേഷം പലരും ചോദിച്ച ചോദ്യമാണ് ഇത്. ഇപ്പോഴിതാ ക്രിക്കറ്ററെന്ന നിലയിലുള്ള അവസാന വർഷങ്ങളിൽ വലത് കണ്ണിന്റെ കാഴ്ചശക്തി ക്രമേണ നഷ്ടപ്പെട്ടുവെന്ന് ചൂണ്ടിക്കാട്ടിയാണ് താൻ അന്താരാഷ്ട്ര ക്രിക്കറ്റിൽ നിന്ന് അകാലത്തിൽ വിരമിച്ചത് എന്നതുൾപ്പടെ വെളിപ്പെടുത്തലുകൾ നടത്തി രംഗത്ത് എത്തിയിരിക്കുകയാണ് താരം ഇപ്പോൾ.
2018-ൽ അന്താരാഷ്ട്ര സ്റ്റേജിൽ നിന്ന് വിരമിച്ചെങ്കിലും, ടി20 മത്സരങ്ങളിൽ ഡിവില്ലിയേഴ്സ് തിളങ്ങുന്നത് തുടർന്നു, പ്രത്യേകിച്ചും ഐപിഎല്ലിൽ റോയൽ ചലഞ്ചേഴ്‌സ് ബാംഗ്ലൂരിനെ പ്രതിനിധീകരിച്ച്. എന്നിരുന്നാലും, കുറച്ചുനാൾ കൂടി നീണ്ടുപോയേക്കാവുന്ന കരിയർ നശിപ്പിച്ചത് കാഴ്ച്ച ശക്തിയുടെ കുറവ് കൊണ്ടാണെന്നും താരം പറഞ്ഞു.
തന്റെ കുട്ടി അബദ്ധത്തിൽ ഷൂസ് കൊണ്ട് കണ്ണിൽ ചവിട്ടിയതാണ് കണ്ണിന് പരിക്കേറ്റതെന്ന് ഡിവില്ലിയേഴ്സ് വെളിപ്പെടുത്തി. ആഘാതം അദ്ദേഹത്തിന്റെ വലത് കണ്ണിലെ കാഴ്ചയിൽ ക്രമാനുഗതമായ കുറവുണ്ടാക്കി.
“എന്റെ കുട്ടി അബദ്ധത്തിൽ അവന്റെ ഷൂസുകൊണ്ട് കൊണ്ട് എന്റെ കണ്ണിൽ അടിച്ചു. എന്റെ വലത് കണ്ണിന്റെ കാഴ്ച നഷ്ടപ്പെടാൻ തുടങ്ങി. ശസ്ത്രക്രിയയ്ക്ക് ശേഷം, ഡോക്ടർ അത്ഭുതപ്പെട്ടു, ‘നിങ്ങൾ എങ്ങനെ ഈ കണ്ണ് കൊണ്ട് ക്രിക്കറ്റ് കളിച്ചു?’ നന്ദി, എന്റെ കരിയറിന്റെ അവസാന രണ്ട് വർഷങ്ങളിൽ എന്റെ ഇടതു കണ്ണ് നന്നായി പ്രവർത്തിച്ചിരുന്നു ”ഡിവില്ലിയേഴ്സ് പറഞ്ഞു.
താൻ അഭിമുഖീകരിച്ച വെല്ലുവിളികളെക്കുറിച്ച് സംസാരിക്കുമ്പോൾ, ഡിവില്ലിയേഴ്സ് COVID-19 പാൻഡെമിക്കിന്റെ ആഘാതവും 2015 ലോകകപ്പ് തന്റെ മനസ്സിൽ നിലനിൽക്കുന്ന ഫലങ്ങളും ഊന്നിപ്പറഞ്ഞു. “കോവിഡിന് സ്വാധീനമുണ്ടായിരുന്നു, സംശയമില്ല. 2015 ലോകകപ്പ് തോൽവി അന്താരാഷ്ട്ര വീക്ഷണകോണിൽ നിന്നുള്ള കാര്യമായ പ്രഹരമായിരുന്നു. അതിൽ നിന്ന് കരകയറാൻ എനിക്ക് കുറച്ച് സമയമെടുത്തു, ഞാൻ ടീമിലേക്ക് മടങ്ങിയെത്തിയപ്പോൾ, ആ നിമിഷം എനിക്ക് ശരിക്കും ആവശ്യമായ പിന്തുണ ഒന്നും എനിക്ക് കിട്ടിയില്ല ”അദ്ദേഹം കൂട്ടിച്ചേർത്തു.
Read more
ഒരു സുപ്രഭാത്തിൽ ടീമിൽ നിന്ന് വിരമിച്ച ഡിവില്ലേഴ്‌സ് ഒരു തിരിച്ചുവരവിന് ശ്രമിച്ചെങ്കിലും അത് ഫലം കണ്ടില്ല. ക്രിക്കറ്റ് സൗത്താഫ്രിക്ക അത് അനുവദിച്ചില്ലെന്ന് പറയാം. തന്റെ മഹത്തായ കരിയറിൽ ഉടനീളം, എബി ഡിവില്ലിയേഴ്സ് 114 ടെസ്റ്റുകളിൽ നിന്ന് 8765 റൺസും 228 ഏകദിനങ്ങളിൽ നിന്ന് 9577 റൺസും നേടി കളിയിലെ ഏറ്റവും മികച്ച താരങ്ങളിൽ ഒരാളായി.
