ഇന്ത്യയിൽ നടക്കുന്ന ലോകകപ്പ് കിരീടമാണ് തന്റെ ആത്യന്തിക ലക്ഷ്യമെന്ന് പാകിസ്ഥാൻ ക്യാപ്റ്റൻ ബാബർ അസം പറയുന്നു. 2023 ലോകകപ്പ് പാകിസ്ഥാൻ കളിക്കുമോ എന്ന കാര്യത്തിൽ പോലും ഉറപ്പ് ഇല്ലെങ്കിലും പാകിസ്ഥാൻ നായകൻ ആഗ്രഹിക്കുന്നത് ആ ലോകകപ്പിൽ കിരീടവുമായി മടങ്ങുന്ന കാര്യമാണ്.
കഴിഞ്ഞ കുറച്ച് വർഷങ്ങളായി പാകിസ്താനായി എല്ലാ ഫോര്മാറ്റിലും മികച്ച പ്രകടനം നടത്തുന്ന ആളാണ് ബാബർ . 2022 യഥാർത്ഥത്തിൽ ബാബർ നിറഞ്ഞാടിയ ഒരു വർഷമായിരുന്നു. അത്തരത്തിൽ ഉള്ള വർഷത്തിൽ 2023ൽ തന്റെ ലക്ഷ്യങ്ങളാണ് ബാബർ പറയുന്നത്.
പി‌എസ്‌എല്ലിന്റെ നിലവിലെ സീസണിൽ സെഞ്ച്വറി നേടുകയും ലോകകപ്പ് നേടിയ ടീമിന്റെ ഭാഗമാകുകയുമാണ് തന്റെ രണ്ട് പ്രധാന ലക്ഷ്യങ്ങളെന്ന് ക്രിക്കറ്റ് പാകിസ്ഥാനോട് സംസാരിച്ച ബാബർ ചൂണ്ടിക്കാട്ടി.
“എനിക്ക് ഒരുപാട് നേടാൻ ഉണ്ട്, എന്നാൽ ഈ സീസണിൽ കന്നി പിഎസ്എൽ സെഞ്ച്വറി നേടുകയും പെഷവാർ സാൽമിക്ക് വേണ്ടി പിഎസ്എൽ നേടുകയും ചെയ്യുക എന്നതാണ് എന്റെ പ്രധാന ലക്ഷ്യം. ഈ വർഷത്തെ ഐസിസി ലോകകപ്പ് 2023 ഇന്ത്യയിൽ നടക്കുമ്പോൾ അതിൽ എന്റെ ടീമിന് വിജയിക്കണം, അതാണ് എന്റെ ലക്ഷ്യം.”