സഞ്ജുവിന്റെ തകർപ്പൻ ഷോ കാണാൻ ഇരുന്ന ക്രിക്കറ്റ് ആരാധകർക്ക് നിരാശ. മത്സരത്തിന്റെ ആദ്യ ഓവറിലെ മൂന്നാം പന്തിൽ പൂജ്യനായി മടങ്ങി മലയാളി താരം. ഹാട്രിക്ക് സെഞ്ച്വറി നേടാൻ ഇറങ്ങിയ സഞ്ജുവിന്റെ വിക്കറ്റ് നേടിയത് സൗത്ത് ആഫ്രിക്കയുടെ മാർക്കോ ജാൻസനാണ്. ജാൻസന്റെ എക്സ്ട്രാ പേസ് ജഡ്ജ് ചെയ്യുന്നതിൽ സഞ്ജു പരാജയപ്പെടുകയായിരുന്നു.
തകർപ്പൻ തുടക്കമാണ് സൗത്ത് ആഫ്രിക്കയ്ക്ക് ലഭിച്ചിരിക്കുന്നത്. ആദ്യ ഓവർ തന്നെ വിക്കറ്റ് മെയ്ഡൻ ആക്കാൻ ജാൻസണ് സാധിച്ചു. രണ്ടാം ഓവറിലെ അവസാന പന്തിൽ നാല് റൺ എടുത്ത അഭിഷേക് ശർമ്മയെ ജെറാദ് കോട്സി മടക്കിയതോടെ ഇന്ത്യയുടെ നില പരുങ്ങലിലാണ്. ഒടുവിൽ വിവരം കിട്ടുമ്പോൾ 5-2 എന്ന നിലയിലാണ്.
പരമ്പരയിൽ ആദ്യ മത്സരം വിജയിച്ചത് കൊണ്ട് ആത്മവിശ്വാസത്തിൽ മുന്നിൽ നിൽക്കുന്ന ഇന്ത്യ വിജയം ഉറപ്പിക്കാനാണ് രണ്ടാം മത്സരത്തിനിറങ്ങുന്നത്. അതേ സമയം ടോസ് നേടിയ സൗത്ത് ആഫ്രിക്ക ബോളിങ് തിരഞ്ഞെടുക്കുകയായിരുന്നു.
