തന്റെ പീക്കില്‍ നില്‍ക്കുമ്പോഴും ഏകദിന ഫോര്‍മാറ്റ് റാങ്കിങ്ങില്‍ വിരാട് കോഹ്‌ലിക്ക് രണ്ടാം സ്ഥാനം കൊണ്ട് തൃപ്തിപ്പെടേണ്ടി വന്നിട്ടുള്ളത് എപ്പോഴാണെന്ന് അറിയാമോ? അത് AB ഡിവില്ലിയേഴ്‌സിന്റെ കാലത്തായത് കൊണ്ട് മാത്രമാണ്…
ഓരോ വര്‍ഷം അവസാനിക്കുമ്പോഴും എബി യുടെ ഏകദിന റാങ്കിങ്:
2009- 3rd
2010- 2nd
2011- 2nd
2012- 2nd
2013 – 1st
2014- 1st
2015 – 1st
2016 – 1st
2017 – 2nd
2018- 2nd (May ല്‍ വിരമിച്ചു)
വിവിധ ഫോര്‍മാറ്റുകളില്‍ AB യുടെ ബാറ്റിങ് ഒരു വിരുന്ന് തന്നെയായിരുന്നു. 360 ഡിഗ്രിയില്‍ അണ്‍ഓര്‍ത്തഡോക്‌സ് ഷോട്ടുകളുടെ ഒരു കലവറ തന്നെ ഒരുക്കുമ്പോഴും ടെസ്റ്റ് ക്രിക്കറ്റിലെ പ്രകടനങ്ങള്‍ അത്ഭുതപ്പെടുത്തുന്നത് തന്നെയാണ്.
9 രാജ്യങ്ങളില്‍ ടെസ്റ്റില്‍ 40+ ആവറേജുള്ള ചുരുക്കം ചില കളിക്കാരില്‍ ഒരാളാണ് AB (ഇംഗ്ലണ്ട് – 55, ഓസ്‌ട്രേലിയ – 46, സൗത്ത് ആഫ്രിക്ക – 47, ഇന്ത്യ- 45, ന്യൂസിലന്റ് – 43, പാക്കിസ്ഥാന്‍ – 43, ശ്രീലങ്ക – 42, WI – 87, UAE – 116).
ടെസ്റ്റിലും ഏകദിനത്തിലും 50+ ആവറേജ്, 900+ റേറ്റിങ്, ടെസ്റ്റിലും ഏകദിനത്തിലും ഒരേ സമയം നമ്പര്‍ 1 റാങ്കിങ് നേടിയ ബാറ്റര്‍.. ഒരു വിക്കറ്റ് കീപ്പറുടെ ടെസ്റ്റിലേയും ( 57.41) ഏകദിനത്തിലേയും (70.54) മികച്ച ശരാശരി AB യുടെ പേരിലാണ്. നേടിയ എല്ലാ ഏകദിന സെഞ്ച്വറികളും (25 എണ്ണം) 100+SR ല്‍ നേടിയ ഒരേയൊരു ബാറ്റര്‍..
ടെസ്റ്റ് ക്രിക്കറ്റിലെ Slowest ഇന്നിങ്‌സുകളില്‍ രണ്ടെണ്ണവും ഏകദിനത്തില്‍ fastest 100, 150 നേടിയ കളിക്കാരന്‍. ക്രിക്കറ്റിലെ ലെജന്‍ഡറി ബാറ്റര്‍മാരുടെ ലിസ്റ്റിലേക്ക് നിസ്സംശയം ഉള്‍പ്പെടുത്താവുന്ന ബാറ്റര്‍ . അണ്‍ഓര്‍ത്തഡോക്‌സ് ഷോട്ടുകള്‍ക്കൊപ്പം ക്ലാസിക് കോപ്പി ബുക് ഷോട്ടുകളും ഡിഫന്‍സും ഒരുപോലെ വഴങ്ങുന്ന ക്രിക്കറ്റിലെ റെയര്‍ പീസാണ് AB . ഒരു absolute ഫ്രിക്കിഷ് ബാറ്റര്‍.. ഇന്നലെ താരത്തിന്‍റെ 40ാം ജന്മജിനമായിരുന്നു (ഫെബ്രുവരി 17).
എഴുത്ത്: ഷെമിന്‍ അബ്ദുള്‍മജീദ്
Read more
കടപ്പാട്: മലയാളി ക്രിക്കറ്റ് സോണ്‍
