IPL 2024: ഞാനാണ് ഏറ്റവും മികച്ച താരമെന്ന് കെഎൽ രാഹുൽ എന്നോട് പറഞ്ഞ് കൊണ്ടിരുന്നു, അദ്ദേഹം ഇല്ലായിരുന്നെങ്കിൽ എന്റെ കരിയർ നശിക്കുമായിരുന്നു; വെളിപ്പെടുത്തലുമായി യുവതാരം

ഐപിഎൽ 2024 സീസണിൽ 160ന് മുകളിൽ സ്‌കോർ പ്രതിരോധിക്കുന്നതിനിടെ ലഖ്‌നൗ സൂപ്പർ ജയൻ്റ്‌സ് (എൽഎസ്ജി) തങ്ങളുടെ ആദ്യ തോൽവി ഏറ്റുവാങ്ങി, ഡൽഹി ക്യാപിറ്റൽസിനോട് ആറ് വിക്കറ്റിന് പരാജയപ്പെട്ട ടീമിനെ ചതിച്ചത് മുൻനിര ബാറ്ററുമാരുടെ മോശം പ്രകടനം തന്നെയാണ് എന്ന് പറയാം.

തോറ്റെങ്കിലും, യുവ ബാറ്റ്‌സ്മാൻ ആയുഷ് ബഡോണി എൽഎസ്ജിയുടെ ആരാധകർക്ക് ഏറെ സന്തോഷം നൽകി. അർഷാദ് ഖാനൊപ്പം പുറത്താകാതെ നിന്ന താരം നേടിയ 55 റൺസാണ് ടീമിനെ 94/7 എന്ന അപകടകരമായ നിലയിൽ നിന്ന് മാന്യമായ 167 എന്ന സ്‌കോറിലേക്ക് നയിച്ചു. ഒരു ഘട്ടത്തിൽ 120 പോലും കടക്കില്ല എന്ന് കരുതിയ സ്കോർ താരത്തിന്റെ തകർപ്പൻ ബാറ്റിംഗിലൂടെയാണ് 160 കടത്തിയത്.

മത്സരത്തിന് ശേഷം, ആയുഷ് ബഡോണി ടീം മാനേജ്‌മെൻ്റിനോട്, പ്രത്യേകിച്ച് കെഎൽ രാഹുലിനോടും കോച്ച് ജസ്റ്റിൻ ലാംഗറിനോടും അവരുടെ അചഞ്ചലമായ പിന്തുണക്ക് നന്ദി പറഞ്ഞു. സീസണിൻ്റെ തുടക്കം മോശമായി കളിച്ചെങ്കിലും, നെറ്റ്‌സിലെ തൻ്റെ പ്രകടനം അവർ ശ്രദ്ധിക്കാതെ പോയിട്ടില്ലെന്ന് അദ്ദേഹം വെളിപ്പെടുത്തി. ക്യാപ്റ്റൻ്റെയും പരിശീലകൻ്റെയും ഈ പിന്തുണ അവനിൽ ആത്മവിശ്വാസം പകർന്നു, ക്രീസിൽ സ്വതന്ത്രമായി പ്രകടിപ്പിക്കാൻ അവനെ അനുവദിച്ചു.

“സീസൺ തുടക്കം എനിക്ക് നല്ലതായിരുന്നില്ല, പക്ഷേ ഞാൻ നെറ്റ്‌സിൽ നന്നായി കളിക്കുകയായിരുന്നു,” മത്സരത്തിന് ശേഷമുള്ള പത്രസമ്മേളനത്തിൽ ബഡോണി പറഞ്ഞു. എന്നെ തുടർന്നും പിന്തുണച്ച കെ എൽ രാഹുലിനും ജസ്റ്റിൻ ലാംഗറിനും ഞാൻ നന്ദി പറയുന്നു. “കെഎൽ രാഹുലുമായി എനിക്ക് ധാരാളം സംഭാഷണങ്ങൾ ഉണ്ട്, അദ്ദേഹം എപ്പോഴും എന്നെ പിന്തുണയ്ക്കുന്നു. ‘നിങ്ങൾ മികച്ച കളിക്കാരനാണ്, നിങ്ങൾക്ക് നന്നായി കളിക്കാൻ കഴിയും’ എന്ന് അദ്ദേഹം എന്നോട് പറയുന്നു. ജസ്റ്റിൻ ലാംഗറുമായി ഞാൻ നല്ല ബന്ധവും പങ്കിടുന്നു. കഴിഞ്ഞ വർഷം ഞാൻ ഓസ്‌ട്രേലിയയിലും പോയി, അവിടെ ജസ്റ്റിൻ എന്നെ പലതും പഠിപ്പിക്കുകയും എൻ്റെ കളി മെച്ചപ്പെടുത്താൻ സഹായിക്കുകയും ചെയ്തു.

Read more

“സെപ്റ്റംബറിൽ ഞാൻ ഓസ്‌ട്രേലിയയിലേക്ക് പോയി, അവിടെ ജസ്റ്റിൻ ലാംഗറുമായി ഞങ്ങൾ പരിശീലനം നടത്തി. ഏകദേശം 7-10 ദിവസം ഞാൻ ജസ്റ്റിനോടൊപ്പം ഉണ്ടായിരുന്നു.” അദ്ദേഹം പറഞ്ഞു. എന്നിരുന്നാലും, ഡൽഹി ക്യാപിറ്റൽസ് എൽഎസ്ജിയെ 6 വിക്കറ്റിന് പരാജയപ്പെടുത്തിയതോടെ ആയുഷിൻ്റെ ഇന്നിംഗ്സ് പാഴായി. ജെയ്‌ക്ക് ഫ്രേസർ-മക്‌ഗർക്കും (55), ഡേവിഡ് വാർണറും (41) സന്ദർശകരെ ഉജ്ജ്വല വിജയത്തിലെത്തിച്ചു.