അന്താരാഷ്ട്ര ക്രിക്കറ്റിലെ തന്റെ അനുഭവം വെച്ച് നോക്കുമ്പോൾ അല്ലെങ്കിൽ അതിന്റെ അടിസ്ഥാനത്തിൽ സംസാരിക്കുമ്പോൾ 2023 ഐസിസി ലോകകപ്പിൽ സൂര്യകുമാർ യാദവ് തന്നെ നാലാം നമ്പറിൽ ബാറ്റ് ചെയ്യണം എന്ന് ശിഖർ ധവാൻ പറയുന്നു. ഏറെ നാളായി ഇന്ത്യക്ക് വലിയ പ്രശ്നങ്ങൾ സൃഷ്ടിക്കുന്ന ബാറ്റിംഗ് പൊസിഷൻ തന്ന്നെയാണ് നമ്പർ 4 .
പരിചയസമ്പന്നരായ കളിക്കാരും ഹോം സാഹചര്യങ്ങളും കാരണം ഇന്ത്യക്ക് ലോകകപ്പിൽ വിജയിക്കാനുള്ള സാധ്യതയുണ്ടെന്ന് ധവാൻ വിശ്വസിക്കുന്നു. ശ്രേയസ് അയ്യരുടെ പങ്കാളിത്തം സംശയത്തിലായതോടെ, സ്കൈയും സഞ്ജു സാംസണുമാണ് മുൻനിരയിലുള്ളത്.
“സൂര്യകുമാർ യാദവ് ഒരു പരിചയസമ്പന്നനായ ക്രിക്കറ്റ് കളിക്കാരനായതിനാലും കുറച്ചുകാലമായി ടീമിന്റെ ഭാഗമായതിനാലും, അദ്ദേഹം നാലാം നമ്പറിൽ കളിക്കാനാണ് ഞാൻ പറയുന്നത്. നാലാം നമ്പറിൽ ഇറങ്ങി കൂടുതൽ ഉത്തരവാദിത്വത്തോടെ ബാറ്റ് ചെയ്ത ടീമിന്റെ സ്കോറിന് റേറ്റ് വർധിപ്പിക്കാൻ സൂര്യക്ക് സാധിക്കും” അദ്ദേഹം പിടിഐയോട് പറഞ്ഞു.
ലോകകപ്പിലെ ശുഭ്മാൻ ഗില്ലിന്റെ പ്രകടനവും ഞാൻ ഉറ്റുനോക്കുന്നു. കഴിഞ്ഞ എഡിഷനിൽ മികച്ച പ്രകടനം കാഴ്ചവെച്ച രോഹിത് ശർമ്മയായിരിക്കും ഈ വർഷം ശ്രദ്ധിക്കേണ്ട മറ്റൊരു താരം,” ധവാൻ കൂട്ടിച്ചേർത്തു.
Read more
കിട്ടിയ അവസരങ്ങളിൽ ഒന്നും തന്നെ ഏകദിനത്തിൽ അത്രയൊന്നും മികച്ച പ്രകടനം പുറത്തെടുക്കാൻ സാധിക്കാത്ത താരമാണ് സൂര്യകുമാർ എന്നത് ശ്രദ്ധിക്കണം. അതിനാൽ തന്നെ താരത്തെ ലോകകപ്പ് ടീമിൽ വേണ്ട എന്ന ആവശ്യവും ശക്തമാണ്.
