ഇന്ത്യന് ക്രിക്കറ്റ് ടീം വലിയ പ്രതീക്ഷയോടെ കാണുന്ന ഫിനിഷറാണ് റിങ്കു സിംഗ്. ഐപിഎല്ലിലൂടെ ഇന്ത്യന് ടീമിലേക്ക് എത്തിയ താരം ഇന്ന് യുവതാരങ്ങളില് പ്രധാനിയാണ്. ഇപ്പോഴിതാ ക്രിക്കറ്റില് തന്റെ റോള് മോഡല് ആരെന്ന് വെളിപ്പെടുത്തിയിരിക്കുകയാണ് താരം.
സുരേഷ് റെയ്ന ഭയ്യയുടെ വലിയ ആരാധകനാണ് ഞാന്. അദ്ദേഹത്തെ പിന്തുടരാനും അനുകരിക്കാനുമാണ് ശ്രമിക്കുന്നത്. എന്റെ ജീവിതത്തിലും കരിയറിലും വലിയ സ്വാധീനം സൃഷ്ടിച്ചിട്ടുള്ള താരമാണ് അദ്ദേഹം.
ക്രിക്കറ്റ് കളിക്കാന് ബാറ്റും പാഡും ഉള്പ്പെടെ നിരവധി കാര്യങ്ങള് തന്ന് അദ്ദേഹം എന്നെ സഹായിച്ചിട്ടുണ്ട്. ഒന്നും ചോദിക്കാതെ തന്നെ എനിക്കുവേണ്ടതെല്ലാം റെയ്ന ഭയ്യ തന്നിട്ടുണ്ട്. എന്റെ ജീവിതത്തില് ഏറ്റവും കടപ്പാട് അദ്ദേഹത്തോടാണ്.
Read more
എങ്ങനെയാണ് സമ്മര്ദ്ദത്തെ മറികടക്കുകയെന്ന് റെയ്ന ഭയ്യയാണ് എനിക്ക് പറഞ്ഞുതന്നത്. 4,5 പന്ത് നേരിട്ട് നിലയുറപ്പിക്കുക. പിന്നെ ഗിയര് ടോപ്പിലേക്കാക്കുക. ആ ഉപദേശം ഐപിഎല്ലിലും ഇപ്പോള് ഇന്ത്യന് ടീമിലും എന്നെ സഹായിക്കുന്നു- റിങ്കു പറഞ്ഞു.