ഇപ്പോൾ നടക്കുന്ന ഏഷ്യ കപ്പിൽ ഇന്ത്യ പാകിസ്ഥാൻ പോരാട്ടത്തിന് തിരശീല. ഇന്നലെ നടന്ന മത്സരത്തിൽ 7 വിക്കറ്റിനാണ് ഇന്ത്യ വിജയിച്ചത്. ആദ്യം ബോളിങ് കൊണ്ടും രണ്ടാമത് ബാറ്റിങ് കൊണ്ട് ഇന്ത്യ പാകിസ്താന് മേൽ പ്രഹരം ഏൽപിക്കുകയായിരുന്നു. മത്സരത്തിൽ പ്ലയെർ ഓഫ് ദി മാച്ച് ആയത് കുൽദീപ് യാദവാണ്. 4 ഓവറിൽ 18 റൺസ് വഴങ്ങി 3 വിക്കറ്റുകളാണ് താരം സ്വന്തമാക്കിയത്.
ടീമിനെ മുൻപിൽ നിന്ന് നയിച്ച ക്യാപ്റ്റൻ സൂര്യകുമാർ യാദവാണ് ഇന്ത്യയുടെ ടോപ് സ്കോറർ. 37 പന്തിൽ 5 ഫോറും 1 സിക്സും അടക്കം 47* റൺസാണ് അദ്ദേഹം അടിച്ചെടുത്തത്. കൂടാതെ ഓപണർ അഭിഷേക് ശർമ്മ തിലക് വർമ്മ എന്നിവർ 31 റൺസ് വീതവും ശിവം ദുബൈ 10* റൺസും നേടി.
Read more
എന്നാൽ മത്സരത്തിൽ അക്രമണോസക്തമായ ബാറ്റിംഗ് പ്രകടനമാണ് ഓപണർ അഭിഷേക് ശർമ്മ നടത്തിയത്. ആദ്യ ഓവറിൽ തന്നെ പാകിസ്താന്റെ ഷഹീൻ ഷാ അഫ്രീദിക്ക് നേരെ 11 റൺസാണ് അദ്ദേഹം അടിച്ചെടുത്തത്. അതിനു ശേഷം ഷഹീനിൻറെ അടുത്ത ഓവറിൽ താരം നോ ലുക്ക് സിക്സർ പറത്തിയിരുന്നു. അതിന്റെ വീഡിയോ ദൃശ്യങ്ങളാണ് ഇപ്പോൾ സമൂഹമാധ്യമങ്ങൾ ഏറ്റെടുത്തിരിക്കുന്നത്. സിക്സ് നേടിയതിനു ശേഷം ഷഹീൻ ഷാ അഫ്രീദിയെ അഭിഷേക് തുറിച്ച് നോക്കുന്നുമുണ്ട്.
