ഇന്തോനേഷ്യയില് പര്വ്വതാരോഹണം നടക്കുന്നതിനിടെ അഗ്നിപര്വ്വതം പൊട്ടിത്തെറിച്ച് വിദേശികള് അടക്കം മൂന്ന് പേര് മരിച്ചു. നിരവധി പര്വ്വതാരോഹകര് കുടുങ്ങി. ഇവരില് ഭൂരിഭാഗം പേരെയും സുരക്ഷിതമായി താഴെയെത്തിക്കുകയും ആശുപത്രിയിലേക്ക് മാറ്റുകയും ചെയ്തു.
ഇന്തോനേഷ്യയിലെ നോര്ത്ത് മലുക്കു ദ്വീപിലെ ഡുകോണോ പര്വതമാണ് അപ്രതീക്ഷിതമായി പൊട്ടിത്തെറിച്ചത്. കഴിഞ്ഞ മാര്ച്ചിന് ശേഷം ഇരുന്നൂറിലധികം തവണയാണ് ഈ അഗ്നിപര്വ്വതം പൊട്ടിത്തെറിച്ചത്. ഇവിടെ പര്വതാരോഹണം നടത്തരുതെന്ന് മുന്നറിയിപ്പ് നല്കിയിരുന്നു.
Read more
എന്നാൽ വിലക്ക് വകവെയ്ക്കാതെ മല കയറിയ സിംഗപ്പൂര്, ഇന്തോനേഷ്യന് പൗരന്മാര് അടങ്ങുന്ന 20 പര്വതാരോഹകരാണ് പെട്ടെന്നുണ്ടായ അഗ്നിപര്വത സ്ഫോടനത്തില് കുടുങ്ങിയത്. ഇവരുടെ കൂട്ടത്തിൽ ഉണ്ടായിരുന്ന രണ്ട് സിംഗപ്പൂര് സ്വദേശികളും ഒരു ഇന്തോനേഷ്യന് പൗരനുമാണ് മരിച്ചതെന്ന് ഇന്തോനേഷ്യന് ഉദ്യോഗസ്ഥര് പറഞ്ഞു.
