‘ഗുലാബ് ചുഴലിക്കാറ്റ്’ കരതൊട്ടതിനെ തുടർന്ന് ഒഡീഷയിലെയും ആന്ധ്രപ്രദേശിലെയും തീരപ്രദേശങ്ങളിൽ ശക്തമായ കാറ്റ് അനുഭവപ്പെട്ടു. ചുഴലിക്കാറ്റിനെത്തുടർന്ന് 16,000 ഗ്രാമീണരെ ഒഡീഷയിലെ ഗഞ്ചം ജില്ലയിൽ നിന്ന് മാറ്റിപ്പാർപ്പിച്ചതായി ഒഡീഷയിലെ എസ്ആർസി പികെ ജെന പറയുന്നു.
കാലാവസ്ഥ വകുപ്പിന്റെ അഭിപ്രായത്തിൽ, ഇന്ന് വൈകുന്നേരം 6 മണിയോടെ ആരംഭിച്ച ചുഴലിക്കാറ്റ് അടുത്ത 2-3 മണിക്കൂർ വടക്ക് തീരപ്രദേശമായ ആന്ധ്രയിലും തൊട്ടടുത്തുള്ള തെക്കൻ തീരപ്രദേശമായ ഒഡീഷയിലും തുടരാനാണ് സാധ്യത.
അതേസമയം ആന്ധ്രാപ്രദേശിലെ മന്ദസ തീരത്ത് ശക്തമായ തിരമാലകൾ ബോട്ടുകളിൽ പതിച്ചതിനെ തുടർന്ന് ശ്രീകാകുളത്തുനിന്നുള്ള അഞ്ച് മത്സ്യത്തൊഴിലാളികൾ ഞായറാഴ്ച കടലിൽ വീണതായി വാർത്താ ഏജൻസി എ.എൻ.ഐ റിപ്പോർട്ട് ചെയ്തു.