മഹാരാഷ്ട്രയിൽ മുഖ്യമന്ത്രി ഉദ്ധവ് താക്കറെയുടെ നേതൃത്വത്തിൽ ഉള്ള സർക്കാർ ഇന്ന് വിശ്വാസ വോട്ടെടുപ്പ് നേരിടാനിരിക്കെ എൻ.സി.പി നേതാവും മുൻ ഉപമുഖ്യമന്ത്രിയുമായ അജിത് പവാർ ബിജെപി എം.പിയുമായി ഇന്ന് രാവിലെ കൂടിക്കാഴ്ച നടത്തി. അതേസമയം കൂടിക്കാഴ്ച അനൗപചാരികമായിരുന്നു എന്നും, തങ്ങൾ വിവിധ പാർട്ടികളിൽ നിന്നുള്ളവരാണെങ്കിലും എല്ലാവർക്കും പരസ്പരം ബന്ധമുണ്ട് എന്നും അജിത് പവാർ കൂടിക്കാഴ്ചക്ക് ശേഷം മാധ്യമങ്ങളോട് പറഞ്ഞു. കൂടിക്കാഴ്ചയിൽ വിശ്വാസ വോട്ടെടുപ്പിനെ കുറിച്ച് ചർച്ചകളൊന്നുമുണ്ടായില്ല. സഞ്ജയ് റൗത്ത് പറഞ്ഞതു പോലെ, ഞങ്ങളുടെ സഖ്യം ഇന്ന് സഭയിൽ ഞങ്ങളുടെ നമ്പറുകൾ തെളിയിക്കും എന്നും അജിത് പവാർ കൂട്ടിച്ചേർത്തു.
