മുന്‍ മുഖ്യമന്ത്രിയും മുതിര്‍ന്ന കോണ്‍ഗ്രസ് നേതാവുമായിരുന്ന കെ കരുണാകരന്റെ മകള്‍ പത്മജ വേണുഗോപാലിന് പിന്നാലെ കൂടുതല്‍ കോണ്‍ഗ്രസ് നേതാക്കള്‍ ബിജപിയിലേക്ക്. മുതിര്‍ന്ന കോണ്‍ഗ്രസ് നേതാവും മുന്‍ സ്‌പോര്‍ട്‌സ് കൗണ്‍സില്‍ പ്രസിഡന്റുമായ പത്മിനി തോമസ് ആണ് ഇന്ന് ബിജെപിയില്‍ ചേരുന്നത്.
കോണ്‍ഗ്രസില്‍ അര്‍ഹമായ പരിഗണനകള്‍ ലഭിക്കാത്തതാണ് പത്മിനി ബിജെപിയിലേക്ക് പോകുന്നതിന് കാരണമെന്നാണ് വിവരം. ഇന്ന് തിരുവനന്തപുരത്ത് നടക്കുന്ന വാര്‍ത്താ സമ്മേളനത്തില്‍ പാര്‍ട്ടി വിടുന്നത് സംബന്ധിച്ച് വെളിപ്പെടുത്തലുണ്ടാകുമെന്നാണ് വിവരം. ജില്ലയിലെ പ്രമുഖ കോണ്‍ഗ്രസ് നേതാക്കള്‍ ഇന്ന് ബിജെപിയില്‍ ചേരുമെന്ന് ബിജെപി സംസ്ഥാന അധ്യക്ഷന്‍ കഴിഞ്ഞ ദിവസം അറിയിച്ചിരുന്നു.
Read more
കോണ്‍ഗ്രസ് വിട്ട് ബിജെപിയില്‍ ചേരുന്ന നേതാക്കള്‍ ആരൊക്കെയെന്നത് സംബന്ധിച്ച വിവരങ്ങള്‍ ബിജെപി പുറത്തുവിട്ടിട്ടില്ല. ഉമ്മന്‍ചാണ്ടി സര്‍ക്കാരിന്റെ കാലത്ത് മന്ത്രിസഭയിലുണ്ടായിരുന്ന ഒരു മുന്‍മന്ത്രി ഉള്‍പ്പെടെ ബിജെപിയിലേക്ക് പോകുമെന്നാണ് വിവരം. മുന്‍ മന്ത്രി കൂടാതെ രണ്ട് മുന്‍ എംഎല്‍എമാരും ബിജെപിയിലേക്ക് പോകുമെന്നും അഭ്യൂഹങ്ങളുണ്ട്.
