ഗണപതി പരാമർശത്തിൽ സ്പീക്കർ എ എൽ ഷംസീറിനെതിരെ പ്രതിഷേധം കടുപ്പിച്ച് എൻ എസ് എസ്. പ്രതിഷേധത്തിന്റെ ഭാഗമായി ഷംസീറിനെതിരെ ശബരിമല മാതൃകയില്‍ നാമജപഘോഷയാത്ര നടത്തും. തിരുവനന്തപുരത്തു പാളയം ഗണപതി ക്ഷേത്രം മുതല്‍ പഴവങ്ങാടി ക്ഷേത്രംവരെയാണ് ഘോഷയാത്ര.
ഇന്ന് വിശ്വാസ സംരക്ഷണദിനമായി ആചരിക്കുവാനാണ് തീരുമാനം. വിവിധ ജില്ലകളിൽ വിശ്വാസ സംരക്ഷണ ദിനം ആചരിക്കാൻ ജനറൽ സെക്രട്ടറി താലൂക്ക് യൂണിയനുകൾക്ക് നിർദ്ദേശം നൽകിയിരിക്കുകയാണ്. വീടിനടുത്തുള്ള ഗണപതി ക്ഷേത്രത്തിലെത്തി വഴിപാട് നടത്താനാണ് നിർദ്ദേശം.
Read more
സ്പീക്കർക്കെതിരെ വിമർശനവുമായി എൻഎസ്എസ് ആദ്യം മുതൽ തന്നെ രംഗത്തുണ്ട്. ഷംസീർ പരാമർശം പിൻവലിച്ച് ഉടൻ മാപ്പ് പറയണമെന്ന് വീണ്ടും എൻഎസ്എസ് ആവശ്യപ്പെട്ടു. സ്പീക്കറുടെ പരാമർശത്തെ നിസ്സാരവൽക്കരിച്ച്, പിന്തുണക്കുന്ന സിപിഎം നേതൃത്വത്തെയും ജി സുകുമാരൻനായർ വിമർശിക്കുന്നു. ഷംസീറിൻറെ പരാമർശത്തെ ചൊല്ലി ബിജെപിയും സിപിഎമ്മും തമ്മിൽ പോർവിളി നടക്കുന്നതിനിടെയാണ് എൻഎസ് എസിൻറെ വിമർശനം.
