വയനാട്ടിലെ കര്‍ഷക ആത്മഹത്യയില്‍ അന്വേഷണം ആവശ്യപ്പെട്ട് രാഹുല്‍ ഗാന്ധി മുഖ്യമന്ത്രിക്ക് നല്‍കിയ കത്തില്‍ മറുപടി നല്‍കി മുഖ്യമന്ത്രി പിണറായി വിജയന്‍. വിശദമായി അന്വേഷിച്ച് എത്രയും വേഗം റിപ്പോര്‍ട്ട് നല്‍കാന്‍ ജില്ലാ കളക്ടറെ ചുമതലപ്പെടുത്തിയതായി മുഖ്യമന്ത്രി രാഹുലിനെ അറിയിച്ചു.
വയനാട്ടിലെ നിയുക്ത എം പി എന്ന നിലയില്‍ രാഹുലിന്റെ ആദ്യ ഇടപെടലാണിത്. ദിനേഷ് കുമാറിന്റെ ഭാര്യയുമായി ഫോണില്‍ സംസാരിച്ചതിന് ശേഷമാണ് രാഹുല്‍ ഗാന്ധി കത്തയച്ചത്. ദിനേഷിന്റെ കുടുംബത്തിന് സാമ്പത്തിക സഹായം നല്‍കുന്ന കാര്യവും തീരുമാനിക്കുമെന്ന് കത്തില്‍ പറയുന്നു.
Read more
പാവപ്പെട്ട കര്‍ഷകരുടെ വസ്തുവകകള്‍ ജപ്തി ചെയ്യുന്ന സര്‍ഫാസി നിയമത്തിനെതിരേ പാര്‍ലമെന്റില്‍ യോജിച്ച പോരാട്ടത്തിന് തങ്ങളോടൊപ്പം ചേരാന്‍ രാഹുലിനെ ക്ഷണിക്കുന്നതായും കത്തില്‍ പറയുന്നു. വായപ് തിരിച്ചടക്കാന്‍ കഴിയാത്ത കര്‍ഷകര്‍ക്ക് വേണ്ടി പാര്‍ലമെന്റില്‍ ശബ്ദമുയര്‍ത്തണമെന്നും പിണറായി നല്‍കിയ മറുപടി കത്തില്‍ പറയുന്നു.
