സുരേഷ് ഗോപിയെ നേരില്‍ കാണാനായതിന്റെ സന്തോഷം പങ്കുവച്ച് നടന്‍ ബാലയുടെ ഭാര്യ എലിസബത്ത്. സോഷ്യല്‍ മീഡിയയില്‍ എലിസബത്ത് പങ്കുവച്ച വീഡിയോയാണ് ഇപ്പോള്‍ ശ്രദ്ധ നേടുന്നത്. ഗുരുവായൂരില്‍ പോയപ്പോഴാണ് തിരഞ്ഞെടുപ്പ് പ്രചരണം നടത്തുന്ന സുരേഷ് ഗോപിയെ എലിസബത്ത് കണ്ടത്.
സുരേഷ് ഗോപിയെ നേരിട്ട് കാണണമെന്നത് ഏറെ നാളത്തെ ആഗ്രഹമായിരുന്നു. സിനിമയില്‍ കാണുന്നതു പോലെ തന്നെയുണ്ടെന്നാണ് എലിസബത്ത് പറയുന്നത്. ”ഇന്ന് ഗുരുവായൂര്‍ പോയിരുന്നു. ഒരു ആവശ്യത്തിന് പോയതാണ്. അപ്പോള്‍ ഒരു സ്പെഷല്‍ ആളിനെ കണ്ടു.”
”സുരേഷ് ഗോപി ചേട്ടനെ ആണ് ഞാന്‍ കണ്ടത്. അദ്ദേഹം ഇലക്ഷന്‍ പ്രചാരണത്തിന് വേണ്ടി പോകുമ്പോള്‍ റോഡില്‍ വച്ചാണ് കണ്ടത്. എനിക്ക് കാണാന്‍ ഭയങ്കര ആഗ്രഹം ഉള്ള മനുഷ്യനാണ്. നേരിട്ട് കണ്ടപ്പോള്‍ ഒരുപാട് സന്തോഷം. സിനിമയില്‍ കാണുന്നതു പോലെ തന്നെയാണ് നേരിട്ട് കാണാന്‍.”
”കമ്മിഷണര്‍ സിനിമയിലെ ബിജിഎമ്മും ചേര്‍ത്ത് വീഡിയോ കാണുമ്പൊള്‍ കാണാന്‍ നല്ല രസമുണ്ട്” എന്നാണ് വീഡിയോയില്‍ എലിസബത്ത് പറയുന്നത്. അതേസമയം, എലിസബത്ത് സോഷ്യല്‍ മീഡിയയില്‍ സജീവമാണെങ്കിലും ഭര്‍ത്താവ് ബാലയുമായി എലിസബത്ത് അകന്നു കഴിയുകയാണ്.
