ജിയോ ബേബി- മമ്മൂട്ടി കൂട്ടുക്കെട്ടിൽ പുറത്തിറങ്ങിയ കാതൽ മികച്ച പ്രേക്ഷക- നിരൂപക പ്രശംസകൾ നേടി മുന്നേറുകയാണ്. തിയേറ്ററുകളിലും ഫിലിം ഫെസ്റ്റിവലിലും നിറഞ്ഞ സദസിലാണ് ചിത്രം ഓടികൊണ്ടിരിക്കുന്നത്. ഇപ്പോഴിതാ ചിത്രത്തെ പ്രശംസിച്ചുകൊണ്ട് രംഗത്തെത്തിയിരിക്കുകയാണ് തെന്നിന്ത്യൻ താരം സാമന്ത.
ഈ വർഷത്തെ ഏറ്റവും മികച്ച സിനിമ എന്നാണ് കാതലിനെ കുറിച്ച് സാമന്ത പറയുന്നത്. “നിങ്ങൾ നിങ്ങൾക്ക് വേണ്ടി ഒരു ഫേവർ ചെയ്യുക, കാതൽ എന്ന ഈ മനോഹര സൃഷ്ടി കാണുക. മമ്മൂട്ടി സാർ നിങ്ങളാണ് എന്റെ ഹീറോ. ഒരുപാട് കാലം ഈ പ്രകടനം എന്റെ മനസിൽ ഉണ്ടാവും.” എന്നാണ് സാമന്ത കാതലിനെ കുറിച്ച് പറഞ്ഞത്.
സംവിധായകൻ ജിയോ ബേബിയെയും ജ്യോതികയെയും അഭിനന്ദിക്കാൻ താരം മറന്നില്ല. തന്റെ ഇൻസ്റ്റഗ്രാം സ്റ്റോറിയിലൂടെയാണ് സാമന്ത കാതലിനെ പറ്റി പറഞ്ഞത്.
കേരളത്തിൽ ആദ്യ ദിവസം നൂറ്റി അൻപതോളം തിയേറ്ററുകളിൽ പ്രദർശിപ്പിച്ച കാതൽ, രണ്ടാം ദിവസം 175 തിയേറ്ററുകളിലാണ് ഷോ നടത്തിയത്. മമ്മൂറ്റിയുടെ കരിയറിലെ തന്നെ മികച്ച വേഷം എന്നാണ് കാതലിലെ പ്രകടനത്തെ പറ്റി പ്രേക്ഷകർ പറയുന്നത്.
Read more
ഗോവയിലെ അന്താരാഷ്ട്ര ഫിലിം ഫെസ്റ്റിവലിൽ ആദ്യ ഷോ കഴിഞ്ഞപ്പോൾ നിറഞ്ഞ കയ്യടികളോടെയാണ് ചിത്രം ഐഎഫ്എഫ്ഐ പ്രേക്ഷകർ സ്വീകരിച്ചത്. പ്രമേയം കൊണ്ടും കഥ പറയുന്ന രീതികൊണ്ടും കാതൽ മികച്ച ചിത്രമായി നിലനിൽക്കുന്നു എന്നാണ് പ്രേക്ഷക പ്രതികരണം.
