സംസ്ഥാന സ്കൂള് കലോത്സവ വേദിയില് പഴയകാല ഓര്മ്മകള് പങ്കുവച്ച നടനും എംഎല്എയുമായ മുകേഷ്. വര്ഷങ്ങള്ക്ക് മുമ്പ് വിനീത് ശ്രീനിവാസന് കൊല്ലത്ത് സ്കൂള് കലോത്സവത്തിന് വന്ന ഓര്മ്മയാണ് മുകേഷ് പങ്കുവച്ചത്. വിനീത് വരുന്നതിന് മുമ്പ് ശ്രീനിവാസന് മുകേഷിന് എഴുതിയ കത്തിനെ കുറിച്ചാണ് നടന് പറഞ്ഞത്.
”വര്ഷങ്ങള്ക്ക് മുമ്പ് ഞാന് എംഎല്എ ആകുന്നതിന് മുമ്പ്, സിനിമയില് അഭിനയിക്കുന്ന കാലത്ത് ഒരു എഴുത്ത് കിട്ടി. എന്റെ അടുത്ത സുഹൃത്തിന്റെ ഒരു ഇല്ലന്റ്. അതില് എഴുതിയിരുന്നത്, ‘എന്റെ മകനും ഭാര്യയും കൊല്ലത്തേക്ക് വരുന്നുണ്ട്. മകന് സ്കൂള് യുവജനോത്സവത്തില് പങ്കെടുക്കാന് വേണ്ടിയാണ് വരുന്നത്.”
”അവിടെ ഉണ്ടെങ്കില് അവന്റെ കാര്യങ്ങള് ഒക്കെ ഒന്ന് നോക്കണം’ എന്നായിരുന്നു കത്തില്. ഞാന് നോക്കിക്കോളാം എന്ന് ആ സുഹൃത്തിന് മറുപടി കൊടുത്തു. ഇവിടെ അവര്ക്ക് താമസവും എല്ലാ കാര്യങ്ങളും റെഡിയാക്കി. ആ കുട്ടി മത്സരത്തില് പങ്കെടുത്തു സമ്മാനവും ലഭിച്ചു.”
Read more
”എഴുത്ത് എഴുതിയ ആളുടെ പേര് ശ്രീനിവാസന്, വന്ന് മത്സരിച്ച ആളുടെ പേര് വിനീത് ശ്രീനിവാസന്. അത്തരത്തിലുള്ള പ്രതിഭകളെ വളര്ത്തുന്ന മേളയാണ് സ്കൂള് കലോത്സവം” എന്നാണ് മുകേഷ് പറയുന്നത്. നേരത്തെ കലോത്സവത്തില് പങ്കെടുത്തെങ്കിലും സമ്മാനം ലഭിച്ചില്ലെന്ന് മുകേഷ് പറഞ്ഞിരുന്നു.