തെന്നിന്ത്യൻ സിനിമയിൽ ഏറ്റവും മൂല്യമുള്ള സംവിധായകനാണ് ലോകേഷ് കനകരാജ്. ഓരോ സിനിമയുടെ അപ്ഡേറ്റുകളും മറ്റും സോഷ്യൽ മീഡിയയിലൂടെയാണ് ലോകേഷ് അറിയിക്കുന്നത്. എന്നാൽ ഇപ്പോഴിതാ തനിക്ക് ഔദ്യോഗികമായി ഇൻസ്റ്റഗ്രാം, ട്വിറ്റർ അക്കൗണ്ടുകൾ മാത്രമാണുള്ളതെന്ന് വെളിപ്പെടുത്തിയിരിക്കുകയാണ് ലോകേഷ് കനകരാജ്.
ലോകേഷ് കനകരാജ് എന്ന പേരിൽ ഫേയ്സ്ബുക്ക് അക്കൗണ്ട് നിലവിലുണ്ട്. ഇത് ഒഫീഷ്യൽ അക്കൗണ്ട് ആണെന്ന് കരുതി നിരവധി പേരാണ് അതിൽ ലോകേഷിനെ പിന്തുടരുന്നത്. എന്നാൽ ഇന്ന് രാവിലെ ആ അക്കൗണ്ടിന്റെ പേര് ഡൈലി യോഗ എന്നാക്കുകയും നിരവധി യോഗ വീഡിയോസ് പോസ്റ്റ് ചെയ്യുകയും ചെയ്തിരുന്നു.നിരവധി ആരാധകരാണ് ലോകേഷിന്റെ ഫേയ്സ്ബുക്ക് അക്കൗണ്ട് ഹാക്ക് ചെയ്യപ്പെട്ടു എന്ന് കമന്റ് ചെയ്യുന്നത്.
ഈ സാഹചര്യത്തിലാണ് വിശദീകരണവുമായി ലോകേഷ് രംഗത്തെത്തിയിരിക്കുന്നത്. “ട്വിറ്ററിലും ഇൻസ്റ്റാഗ്രാമിലും മാത്രമാണ് ഞാനുള്ളത്. മറ്റ് സാമൂഹ്യ മാധ്യമങ്ങള് ഉപയോഗിക്കാറില്ല. വ്യാജ അക്കൗണ്ടുകള് പിന്തുടരാതിരിക്കണം” എന്നാണ് എക്സിൽ ലോകേഷ് കനകരാജ് കുറിച്ചത്.
Hey all, I’m only available on Twitter and Instagram, I do not have or use any other social media accounts. Please feel free to ignore and unfollow any other hoax accounts!
— Lokesh Kanagaraj (@Dir_Lokesh) December 13, 2023
Read more
വിജയിയെ നായകനാക്കി ലിയോ എന്ന വമ്പൻ വിജയ ചിത്രത്തിന് ശേഷം രജനികാന്ത് നായകനാവുന്ന ‘തലൈവർ 171’ എന്ന് ടാഗ് ലൈൻ നൽകിയിരിക്കുന്ന ചിത്രമാണ് ലോകേഷിന്റെ ഏറ്റവും പുതിയ ചിതരം. അടുത്തവർഷം ആദ്യം ചിത്രത്തിന്റെ ചിത്രീകരണം ആരംഭിക്കുമെന്നാണ് പുറത്തുവരുന്ന റിപ്പോർട്ടുകൾ.