സംവിധായകൻ സനല് കുമാര് ശശിധരനെതിരെ മാനനഷ്ടക്കേസുമായി നടി മഞ്ജു വാര്യര്
സംവിധായകന് സനല് കുമാര് ശശിധരനെതിരെ മാനനഷ്ടക്കേസ് ഫയല് ചെയ്ത് നടി മഞ്ജു വാര്യര്. എറണാകുളം മുന്സീഫ് കോടതിയിലാണ് മാനനഷ്ടക്കേസ് ഫയല് ചെയ്തത്. നിരന്തരം തന്നെ അപമാനിക്കുന്ന പ്രതികരണങ്ങളാണ് സനല് കുമാര് ശശിധരന് നടത്തുന്നതെന്നും തനിക്കെതിരായി സാമൂഹിക മാധ്യമങ്ങളില് പങ്കുവച്ച കുറിപ്പുകള് പിന്വലിക്കണമെന്നും ഹര്ജിയില് പറയുന്നു.
ഹേമ കമ്മിറ്റി റിപ്പോര്ട്ടിലെ ലൈംഗിക ചൂഷണ ആരോപണങ്ങളില് ഉന്നതതല അന്വേഷണം നടത്തണമെന്നും തനിക്കെതിരായ കേസിന് പിന്നിലെ ഗൂഢാലോചന പുറത്തുകൊണ്ടുവരണമെന്നും ആവശ്യപ്പെട്ട് സനല്കുമാര് ശശിധരന് സെക്രട്ടേറിയറ്റിനു മുന്നില് അനിശ്ചിതകാല നിരാഹാര സത്യാഗ്രഹം ആരംഭിച്ചിരുന്നു.
തനിക്ക് ലഭിച്ച സംസ്ഥാന ചലച്ചിത്ര പുരസ്കാരങ്ങള് തെരുവില് വെച്ചാണ് സമരം നടത്തുന്നത്. താന് ഉന്നയിച്ച ഗൗരവകരമായ വിഷയങ്ങളില് സര്ക്കാരോ നിയമ സംവിധാനങ്ങളോ അടിയന്തര ഇടപെടല് നടത്തതുകൊണ്ടാണ് സമരത്തിലേക്ക് കടന്നതെന്നാണ് സനല്കുമാര് പറയുന്നത്.
ഏഷ്യാനെറ്റ് കടപുഴകുന്നു, മനോരമയ്ക്കും മാതൃഭൂമിക്കും ഭീഷണി; മാധ്യമ സിൻഡിക്കേറ്റുകൾ റിപ്പോർട്ടറിനെതിരെ തിരിയുന്നത് എന്തുകൊണ്ട്?
സംസ്ഥാനത്ത് ഇന്നും വൈദ്യുതി നിയന്ത്രണത്തിന് സാധ്യത; വൈകിട്ട് 6.15 മുതൽ രാത്രി 12.45 വരെ
