‘ജയിലിലെ ആശുപത്രി ഡിജിപി ആയിരുന്നപ്പോള് മെച്ചപ്പെടുത്തിയതാണ്, ആര്ക്കെങ്കിലും നല്ലതുപോലെ പ്രയോജനപ്പെടുന്നുണ്ടെങ്കില് സന്തോഷം’; തച്ചങ്കരി പരിഹസിച്ച് ആര്. ശ്രീലേഖ
അനധികൃത സ്വത്ത് സമ്പാദനക്കേസില് ശിക്ഷിക്കപ്പെട്ട് പൂജപ്പുര സെന്ട്രല് ജയിലില് കഴിയുന്ന മുന് ഡിജിപി ടോമിന് തച്ചങ്കരിയെ പരിഹസിച്ച് മുന് ഡിജിപിയും ബിജെപി കൗണ്സിലറുമായ ആര് ശ്രീലേഖ. സെന്ട്രല് ജയിലിലെ ആശുപത്രി ബ്ലോക്ക് താന് ഡിജിപി ആയപ്പോള് മെച്ചപ്പെടുത്തിയതാണെന്നും ഇപ്പോള് അത് ആര്ക്കെങ്കിലും പ്രയോജനപ്പെടുന്നതില് സന്തോഷമുണ്ടെന്നും തച്ചങ്കരിയുടെ പേര് പരാമര്ശിക്കാതെ ശ്രീലേഖ ഫെയ്സ്ബുക്കില് കുറിച്ചു. പൂജപ്പുര സെന്ട്രല് ജയിലിലെ ഹോസ്പിറ്റല് ബ്ലോക്കിലാണ് ടോമിന് തച്ചങ്കരി കഴിയുന്നത്.
‘തിരുവനന്തപുരം സെന്ട്രല് ജയിലിലെ ‘ആശുപത്രി ബ്ലോക്ക്’ സെല്ലുകളെ അപേക്ഷിച്ച് വളരെ വൃത്തിയുള്ളതാണ്. നല്ല കിടക്ക, മെത്ത, തലയിണ, ഫാന്, വൃത്തിയുള്ള ശൗചാലയം, പിന്നെ പ്രത്യേകം ഒറ്റയ്ക്ക് കഴിയാനുള്ള സൗകര്യങ്ങള്, ചുറ്റും മനോഹരമായ പൂന്തോട്ടം, പ്രത്യേക ഭക്ഷണം… ഇതൊക്കെ ഞാന് ജയില് വകുപ്പ് ഡിജിപി ആയിരുന്നപ്പോള് മെച്ചപ്പെടുത്തിയെടുത്തതാണ്. ഇപ്പോള് അത് ആര്ക്കെങ്കിലും നല്ലതുപോലെ പ്രയോജനപ്പെടുന്നുണ്ടെങ്കില് സന്തോഷം!’ എന്നും ശ്രീലേഖ കുറിച്ചു.
പടക്കം പൊട്ടുന്ന ശബ്ദത്തിൽ മോഡിഫൈ ചെയ്ത കാർ ഓടിച്ച് 17-കാരൻ; പരാതിയുമായി നാട്ടുകാർ; അമ്മയ്ക്കെതിരെ കേസ്
മാസപ്പടി കേസ്: ധൈര്യമുണ്ടെങ്കിൽ എഫ്ഐആർ ഇടാൻ സർക്കാരിനെ വെല്ലുവിളിക്കുന്നു, കുടുങ്ങുന്നത് യുഡിഎഫ് നേതാക്കളാകും : എ. കെ. ബാലൻ
