സഞ്ജുവിനോട് കാണിക്കുന്നത് അനീതി, സെലക്ഷന് കമ്മിറ്റിയുടെ ഈ തീരുമാനം എന്നെ ഏറെ നിരാശനാക്കി: രവിചന്ദ്രന് അശ്വിന്
ഇംഗ്ലണ്ട് പര്യടനത്തിന് ശേഷം നടക്കാൻ പോകുന്ന സിംബാബ്വെ പര്യടനത്തിനുള്ള ഇന്ത്യന് ക്രിക്കറ്റ് ടീമില് നിന്ന് മലയാളി താരം സഞ്ജു സാംസണെ ഒഴിവാക്കിയ സെലക്ടര്മാരുടെ തീരുമാനത്തിനെതിരെ കടുത്ത വിമര്ശനവുമായി മുതിര്ന്ന ഇന്ത്യന് സ്പിന്നര് രവിചന്ദ്രന് അശ്വിന്.
സഞ്ജുവിനെ ടീമില് ഉള്പ്പെടുത്താത്തത് തികച്ചും അന്യായമാണെന്ന് അശ്വിന് തന്റെ യൂട്യൂബ് ചാനലിലൂടെ തുറന്നടിച്ചു. സമീപകാലത്ത് ആഭ്യന്തര ക്രിക്കറ്റിലും ഐപിഎല്ലിലും മികച്ച പ്രകടനം പുറത്തെടുത്തിട്ടും സഞ്ജുവിനെ വീണ്ടും തഴഞ്ഞതാണ് അശ്വിനെ ചൊടിപ്പിച്ചത്. സ്ഥിരതയാര്ന്ന പ്രകടനം നടത്തുന്ന ഒരു കളിക്കാരനോട് സെലക്ടര്മാര് കാണിക്കുന്ന ഈ സമീപനം ഒട്ടും ശരിയല്ലെന്ന് അദ്ദേഹം വ്യക്തമാക്കി.
‘സഞ്ജുവിനെ സിംബാബ്വെ പരമ്പരയില് നിന്ന് ഒഴിവാക്കിയത് തീര്ത്തും അനീതിയാണ്. അവസരം ലഭിച്ചപ്പോഴെല്ലാം തന്റെ കഴിവ് തെളിയിച്ചിട്ടുള്ള താരമാണ് അദ്ദേഹം. കളിക്കാര്ക്ക് അര്ഹമായ പരിഗണന നല്കാതിരിക്കുന്നത് അവരുടെ ആത്മവിശ്വാസത്തെ ബാധിക്കും. സെലക്ഷന് കമ്മിറ്റിയുടെ ഈ തീരുമാനം എന്നെ ഏറെ നിരാശനാക്കി.’ -രവിചന്ദ്രന് അശ്വിന് പറഞ്ഞു.
ഞാന് വരട്ടെ, ക്യാപ്റ്റനാക്കണമെന്ന് ഹാര്ദിക്; അത്രയ്ക്ക് വേണ്ടെന്ന് ഗുജറാത്ത്
കണ്ടുമുട്ടിയത് ഗുച്ചി സ്റ്റോറില്; 10വര്ഷം ഒന്നിച്ച്, അഞ്ച് മക്കളെ സാക്ഷിയാക്കി ഒടുവില് വിവാഹം; ക്രിസ്റ്റിയാനോയും ജോര്ജീനയും വിവാഹിതരായി
