ഭാവിയിൽ നെയ്മറിന് പകരക്കാരനായി ബാഴ്‌സലോണ താരം ഔസ്മാൻ ഡെംബെലെയെ ടീമിലെത്തിക്കാൻ പാരീസ് സെന്റ് ജെർമെയ്‌ൻ (പിഎസ്ജി) താൽപ്പര്യപ്പെടുന്നതായി റിപ്പോർട്ട്. അതിനായി 100 ദശലക്ഷം യൂറോ ചെലവഴിക്കുമെന്ന് പ്രതീക്ഷിക്കുന്നു.
2017 ലെ വേനൽക്കാലത്ത് 105 മില്യൺ യൂറോയുടെ പ്രാരംഭ ഫീസായി ബൊറൂസിയ ഡോർട്ട്മുണ്ടിൽ നിന്ന് എത്തിയതു മുതൽ ബാഴ്സ ടീമിലെ സ്ഥിര അംഗമാണ് 25 കാരനായ ഡെംബെലെ. രണ്ട് ലാ ലിഗ കിരീടങ്ങൾ ഉൾപ്പെടെ അഞ്ച് ട്രോഫികൾ ഉയർത്താൻ തന്റെ നിലവിലെ ക്ലബ്ബിനെ ഇതുവരെ സഹായിച്ചിട്ടുണ്ട്. ഇടയ്ക്കിടെ അലട്ടുന്ന പരിക്കുകൾ ഒഴിച്ചാൽ സെറ്റ് ആണ് കാര്യങ്ങൾ.
സ്‌പോർട് പറയുന്നതനുസരിച്ച്, നെയ്‌മറിന്റെ എംബാപ്പെയുമായുള്ള പ്രശ്നങ്ങളും ഈഗോ വിവാദവും ഒകെ കൊണ്ടാണ് ഡെംബെലെയെ ടീമിലെത്തിക്കാനുള്ള ശ്രമം ആരംഭിക്കുന്നത്. ഫ്രാൻസ് ടീമിൽ എംബാപ്പയോട് പുലർത്തുന്ന നല്ല ബന്ധവും അതിന് കാരണമാണ്.
എന്നിരുന്നാലും, താരത്തിന്റെ റിലീസ് ക്ലോസിൽ നിന്ന് 25 മില്യൺ യൂറോ മാത്രമേ ബാഴ്‌സലോണയ്ക്ക് നേടാനാകൂ എന്നാണ് പറയപ്പെടുന്നത്.
