വെള്ളിയാഴ്ച മുതൽ മുള്‌ട്ടാനിൽ പാകിസ്ഥാൻ ടീമിനെതിരായ രണ്ടാം ടെസ്റ്റ് മത്സരത്തിനൊരുങ്ങുകയാണ് ഇംഗ്ലണ്ട് ക്രിക്കറ്റ് ടീം. മത്സരത്തിന് മുന്നോടിയായി വ്യാഴാഴ്ച രാവിലെ ടീം താമസിക്കുന്ന ഹോട്ടലിന്റെ ഒരു കിലോമീറ്റർ പരിധിയിൽ നിന്ന് വെടിയൊച്ചകൾ കേട്ടതായി റിപ്പോർട്ടുകളുണ്ട്. പ്രാദേശിക സംഘങ്ങൾ തമ്മിലുള്ള വെടിവയ്പുമായി ബന്ധപ്പെട്ടതാണ് സംഭവമെന്നും നാല് പേരെ അറസ്റ്റ് ചെയ്തിട്ടുണ്ടെന്നും ആർക്കും പരിക്കേറ്റിട്ടില്ലെന്നും ദ ടെലിഗ്രാഫിൽ റിപ്പോർട്ട് ചെയ്തു.
വിദേശ ടീമുകൾ പാകിസ്ഥാൻ സന്ദർശിച്ചപ്പോഴെല്ലാം പതിവ് പോലെ കനത്ത സുരക്ഷാ സന്നാഹമാണ് ഇവിടെ ഉണ്ടായിരുന്നതെന്ന് മറ്റ് റിപ്പോർട്ടുകൾ പറയുന്നു. കുറച്ച് വർഷങ്ങൾക്ക് മുമ്പ് അന്താരാഷ്ട്ര ക്രിക്കറ്റ് രാജ്യത്തേക്ക് തിരിച്ചെത്തിയതിനാൽ കാര്യങ്ങൾ സുഗമമായി മുന്നോട്ട് പോകുമെന്ന് പാകിസ്ഥാൻ ക്രിക്കറ്റ് ബോർഡ് പ്രതീക്ഷിക്കുന്നു, ഏതെങ്കിലും സുരക്ഷാ ഭീഷണി അവരുടെ രാജ്യത്തിനുള്ളിൽ ഹോം ഉഭയകക്ഷി പരമ്പരകൾ ആതിഥേയമാക്കാനുള്ള അവരുടെ പദ്ധതികളെ കൂടുതൽ അപകടത്തിലാക്കും.
അടുത്ത വർഷം പാക്കിസ്ഥാനിൽ നടക്കുന്ന ഏഷ്യാ കപ്പിൽ ഇന്ത്യയുടെ പങ്കാളിത്തം സംബന്ധിച്ച് ചോദ്യങ്ങൾ ഉയർന്നതിന് പിന്നാലെ പിസിബിയുടെ പ്രതിഷേധം തുടരുന്ന പശ്ചാത്തലത്തിലാണ് സംഭവം.
2025ലെ ഐസിസി ചാമ്പ്യൻസ് ട്രോഫിക്ക് ആതിഥേയത്വം വഹിക്കാനുള്ള അവകാശവും പാക്കിസ്ഥാന് ലഭിച്ചിട്ടുണ്ട്. എന്തായാലും പരമ്പരയുടെ കാര്യം എടുത്താൽ ആദ്യ മത്സരത്തിൽ പാകിസ്ഥാൻ തോറ്റിരുന്നു, അതോടെ അവരുടെ ലോക ചാംപ്യൻഷിപ് ഫൈനൽ പ്രവേശന കാര്യത്തിലും നല്ല തിരിച്ചടിയാണ് കിട്ടിയിരിക്കുന്നത്.