ഓസ്ട്രേലിയന് വെടിക്കെട്ട് ഓള്റൗണ്ടര് ഗ്ലെന് മാക്സ്വെല് വിവാഹിതനായി. തമിഴ്നാട് സ്വദേശിനി വിനി രാമനാണ് വധു. വെള്ളിയാഴ്ച അടുത്ത ബന്ധുക്കളും സുഹൃത്തുക്കളും മാത്രമുള്ള ചടങ്ങിലായിരുന്നു വിവാഹം. മാര്ച്ച് 27ന് തമിഴ് ആചാര പ്രകാരവും വിവാഹം നടക്കും.
ഓസ്ട്രേലിയയില് ഫാര്മസിസ്റ്റായി ജോലി ചെയ്യുന്ന വിനി രാമനും മാക്സ്വെല്ലുമായുള്ള വിവാഹ നിശ്ചയം 2020 മാര്ച്ചില് കഴിഞ്ഞതാണ്. അതിനുശേഷം കോവിഡ് വ്യാപനത്തിന്റെ പശ്ചാത്തലത്തില് പലതവണ വിവാഹം മാറ്റിവയ്ക്കേണ്ടി വരികയായിരുന്നു.
2017 ലാണ് മാക്സ്വെല്ലും വിനിയും തമ്മില് അടുപ്പത്തിലാകുന്നത്. അന്നുമുതല് ഇരുവരും ഒന്നിച്ചുള്ള ചിത്രങ്ങള് സോഷ്യല് മീഡിയയില് പത്യക്ഷപ്പെട്ടിരുന്നു. 2019 ഓസ്ട്രേലിയന് ക്രിക്കറ്റ് അവാര്ഡ് ദാന ചടങ്ങില് പങ്കെടുക്കാനെത്തിയ മാക്സ്വെല്ലിനൊപ്പം വിനിയുണ്ടായിരുന്നു.
ഓസ്ട്രേലിയക്കായി ഏഴ് ടെസ്റ്റില് നിന്ന് 339 റണ്സും എട്ട് വിക്കറ്റും 116 ഏകദിനത്തില് നിന്ന് 3220 റണ്സും 51 വിക്കറ്റും 80 ടി20യില് നിന്ന് 1851 റണ്സും 33 വിക്കറ്റും മാക്സി നേടിയിട്ടുണ്ട്. 97 ഐപിഎല്ലില് നിന്ന് 2018 റണ്സും 22 വിക്കറ്റും മാക്സ്വെല്ലിന്റെ പേരിലുണ്ട്.