2011ലെ ലോകകപ്പ് കിരീട നേട്ടത്തിന് ശേഷം ഇന്ത്യക്ക് മറ്റൊരു ലോകകപ്പ് നേടാനാവാത്തതിന്റെ കാരണം ചൂണ്ടിക്കാട്ടി ഇന്ത്യന്‍ മുന്‍ പേസ് ഓള്‍റൗണ്ടര്‍ ഇര്‍ഫാന്‍ പഠാന്‍. ഇന്ത്യയുടെ ലോകകപ്പ് നഷ്ടങ്ങള്‍ക്ക് കാരണം ബോളിംഗ് നിരയുടെ ദൗര്‍ബല്യമാണെന്നാണ് ഇര്‍ഫാന്റെ വിലയിരുത്തല്‍.
ഇന്ത്യ ശ്രദ്ധ നല്‍കേണ്ടത് ബോളിംഗിലാണ്. ഏതൊക്കെ ബോളര്‍മാര്‍ക്കാണ് അവസരം നല്‍കേണ്ടത് ബോളിംഗ് കൂട്ടുകെട്ട് എങ്ങനെയായിരിക്കണമെന്നത് സംബന്ധിച്ച് നേരത്തെ തീരുമാനിക്കണം. പിച്ചിന്റെ സ്വഭാവത്തെ അടിസ്ഥാനമാക്കിയാവണം ഇത് തീരുമാനിക്കേണ്ടത്.
ഫ്ളാറ്റ് പിച്ചാവുമോയെന്നതാണ് പ്രധാന പ്രശ്നം. ഫ്ളാറ്റ് പിച്ചുകളില്‍ ഇന്ത്യയുടെ ബോളിംഗ് നിര വലിയ മികവ് കാട്ടുന്നില്ല. അവസാന ടി20 ലോകകപ്പില്‍ പാകിസ്ഥാനും ഇംഗ്ലണ്ടിനുമെതിരേ ഇന്ത്യ പ്രയാസപ്പെട്ടത് കണ്ടതാണ്. ഫ്ളാറ്റ് പിച്ചുകളില്‍ ഇന്ത്യന്‍ ബോളര്‍മാര്‍ക്ക് മികച്ച പ്രകടനം കാഴ്ചവയ്ക്കാന്‍ സാധിക്കുന്നില്ല
ഫ്ളാറ്റ് പിച്ചുകളില്‍ സവിശേഷമായ ബോളര്‍മാര്‍ അത്യാവശ്യമാണ്. ഇന്ത്യ അതിന് മുന്‍തൂക്കം നല്‍കി മുന്നോട്ട് പോകണമെന്നാണ് വ്യക്തിപരമായ അഭിപ്രായം. പേസര്‍മാര്‍ക്ക് അവരുടേതായ കഴിവുണ്ട്. അത് മനസിലാക്കി നായകന്‍ രോഹിത് ശര്‍മക്ക് ടീമിനെ മുന്നോട്ട് കൊണ്ടുപോവാനാവുമെന്നാണ് കരുതുന്നത്- ഇര്‍ഫാന്‍ പത്താന്‍ പറഞ്ഞു.
