ഇപ്പോൾ നടക്കുന്ന ഏഷ്യ കപ്പിൽ പാകിസ്താന് ഒരിക്കലും മറക്കാനാവാത്ത രാത്രി സമ്മാനിച്ച് ഇന്ത്യൻ പട. ആവേശപ്പോരാട്ടത്തില് ആറ് വിക്കറ്റിന്റെ വിജയമാണ് ഇന്ത്യ സ്വന്തമാക്കിയത്. പാകിസ്താന് ഉയര്ത്തിയ 172 റണ്സ് വിജയലക്ഷ്യം ഏഴ് പന്തുകള് ബാക്കിനില്ക്കേ നാല് വിക്കറ്റ് നഷ്ടത്തില് ഇന്ത്യ ലക്ഷ്യത്തിലെത്തി.
ഓപ്പണര്മാരായ അഭിഷേക് ശര്മയുടെയും ഗില്ലിന്റെയും സംഹാരതാണ്ഡവമായിരുന്നു ദുബായിൽ കണ്ടത്. അഭിഷേക് 39 പന്തിൽ 6 ഫോറും 5 സിക്സും അടക്കം 74 റൺസാണ് താരം അടിച്ചെടുത്തത്. കൂടാതെ ശുഭ്മൻ ഗിൽ 28 പന്തിൽ 8 ഫോർ ഉൾപ്പടെ 47 റൺസും നേടി. തിലക്ക് വർമ്മ (30*) ഹാർദിക് പാണ്ട്യ (7*) എന്നിവർ ചേർന്ന് മത്സരം അവസാനിപ്പിച്ചു.
സൂപ്പര് ഫോര് പോരാട്ടത്തില് മലയാളി താരം സഞ്ജു സാംസണ് തിളങ്ങാൻ സാധിച്ചിരുന്നില്ല. അദ്ദേഹത്തിന്റെ ബാറ്റിംഗ് പൊസിഷൻ മാറ്റിയത് കൊണ്ടാണെന്നും ഇനി അഞ്ചാം നമ്പറിൽ കളിക്കുകയാണെങ്കിൽ ശ്രദ്ധിക്കേണ്ട ചില കാര്യങ്ങൾ ഉണ്ടെന്നും പറഞ്ഞിട്ടിരിക്കുകയാണ് മുൻ ഇന്ത്യൻ താരം മുരളി കാർത്തിക്.
മുരളി കാർത്തിക് പറയുന്നത് ഇങ്ങനെ:
“സഞ്ജു ഇനിയും മുന്നോട്ട് കളിക്കാൻ ഉദ്ദേശിക്കുന്നുണ്ടെങ്കിൽ അയാൾക്ക് ലഭിക്കുന്ന റോൾ അഞ്ചാമനായി ആണെങ്കിൽ, സഞ്ജു ഇപ്പോൾ അതിനായി തയ്യാറെടുക്കേണ്ടതുണ്ട്. അതോ മൂന്നാം സ്ഥാനത്ത് സഞ്ജുവിന് ഒരു സ്ഥാനം സൃഷ്ടിക്കാൻ ശ്രമിച്ച് മറ്റുള്ളവരെ അവരുടെ സ്ഥാനത്ത് നിന്ന് മാറ്റണോ? അവൻ നിങ്ങളുടെ ടീമിന് വളരെ പ്രധാനപ്പെട്ട ആളാണെങ്കിൽ, അവനെ മൂന്നാം നമ്പറിലേക്ക് മാറ്റുമോ, അതിനനുസരിച്ച് മറ്റുള്ളവർ അവരുടെ ഗെയിം ക്രമീകരിക്കുമോ? അതോ ടീമിൽ തന്റെ സ്ഥാനം നിലനിർത്താൻ അവൻ തന്റെ ഗെയിം ക്രമീകരിക്കുമോ? സഞ്ജു വളരെ ക്ലാസിക്കായ ഒരു കളിക്കാരനായതിനാൽ അദ്ദേഹത്തിന് സഹായം നൽകാൻ ആരെയെങ്കിലും തയ്യാറാവണം” മുരളി കാർത്തിക് പറഞ്ഞു.