റിഷഭ് പന്ത് ടീം വിട്ടതോടെ ഐപിഎലില് ആരാവും ഡല്ഹി ക്യാപിറ്റല്സിന്റെ പുതിയ നായകന് ആരായിരിക്കും? മെഗാലേലത്തില് കെഎല് രാഹുലിനെ സ്വന്തമാക്കിയപ്പോള് ആ പൊസിഷന് അര്ക്കെന്നത് ആരാധകര് ഉറപ്പിച്ചു. എന്നാല് രാഹുലിനേക്കാള് സാധ്യത മറ്റൊരു താരത്തിന് കല്പ്പിച്ചിരിക്കുകയാണ് ആകാശ് ചോപ്ര.
ആരാവും ഡല്ഹിയുടെ നായകന്? കെകെആറിനെപ്പോലെയാണ് ഡല്ഹിയുടെ അവസ്ഥയും. എന്നാല് കൂടുതല് സാധ്യത അക്ഷര് പട്ടേലിനാണ്. അവനെ നായകനായി ഞാന് ഇതുവരെ പരിഗണിച്ചിരുന്നില്ല.
എന്നാല് ഇത്തരമൊരു അവസരം മുന്നില് നില്ക്കുമ്പോള് അക്ഷറിനെ ക്യാപ്റ്റനാക്കണം. അവന് അണ്ടര് റേറ്റഡായിട്ടുള്ള താരമാണ്. വളരെ പക്വതയുള്ള കളിക്കാരനാണ്. മുന്നില് നിന്ന് ടീമിനെ നയിക്കാനുള്ള കഴിവുള്ളവനും ഉത്തരവാദിത്തം ഏറ്റെടുക്കുന്നവനുമാണ്- ആകാശ് ചോപ്ര പറഞ്ഞു.
ഐപിഎലില് ഇതുവരെ കിരീടം ചൂടാന് സാധിക്കാത്ത ടീമാണ് ഡല്ഹി. അവസാന സീസണില് റിഷഭ് പന്തിന് കീഴില് കളിച്ച ഡല്ഹി ഇത്തവണ വലിയ അഴിച്ചുപണികളോടെയാണ് എത്തുന്നത്. പരിശീലകസ്ഥാനത്ത് നിന്ന് റിക്കി പോണ്ടിംഗിനെയടക്കം മാറ്റിയിട്ടുണ്ട് അവര്.