വൈറ്റ് ബോൾ ക്രിക്കറ്റിലെ മാച്ച് വിന്നിംഗ് പ്രകടനങ്ങൾക്കിടയിലും യുസ്വേന്ദ്ര ചാഹലിനെ ഇന്ത്യൻ സെലക്ടർമാർ പലപ്പോഴും മറന്നത് കഴിഞ്ഞ വർഷങ്ങളിൽ നാം പല തവണ കണ്ടതാണ്. ഒരു കാലത്ത് ഇന്ത്യൻ ടീമിന്റെ പ്രധാന മുഖങ്ങളിൽ പ്രധാനിയായ ചഹാൽ ഇപ്പോൾ കേന്ദ്ര കരാറിൽ നിന്ന് പോലും ഒഴിവാക്കപ്പെട്ട അവസ്ഥയിലാണ്. അതിശയകരമെന്നു പറയട്ടെ, ഐപിഎൽ, ആഭ്യന്തര ടൂർണമെൻ്റുകൾ, ടീം ഇന്ത്യ എന്നിവയിൽ മികച്ച പ്രകടനം നടത്തിയിട്ടും കരാറിലേക്ക് അദ്ദേഹത്തെ പരിഗണിച്ചില്ല. എന്നിരുന്നാലും, അദ്ദേഹത്തിൻ്റെ ഐപിഎൽ ഫ്രാഞ്ചൈസി, രാജസ്ഥാൻ റോയൽസ്, അവരുടെ ചാമ്പ്യൻ ബൗളറെ ഇപ്പോഴും വിലമതിക്കുന്നു. അവർക്ക് ഇടയിൽ വലിയ പ്രാധാന്യം ഉണ്ട് ചാഹലിന്.
ഐപിഎൽ 2024-ന് RR അടുത്തിടെ അവരുടെ പുതിയ ജേഴ്‌സി പുറത്തിറക്കി. യുസ്വേന്ദ്ര ചാഹൽ ആണ് അവതരിപ്പിച്ചത്. ടൂർണമെൻ്റിൻ്റെ ചരിത്രത്തിൽ ഏറ്റവും കൂടുതൽ വിക്കറ്റ് വീഴ്ത്തിയ സ്പിന്നറാണ് അദ്ദേഹം. 2024 ലെ ഞങ്ങളുടെ പുതിയ ജഴ്‌സി ഡിസൈൻ ചെയ്തത് ഞാനാണ് എന്ന് ചാഹൽ സഹതാരം ജോസ് ബട്ട്‌ലർക്ക് സന്ദേശം നൽകി.
ചാഹലിന് മറുപടിയായി ബട്ട്‌ലർ എഴുതി, “യൂസി ഭായ്, ഇത് അത്ര സെക്‌സിയല്ല.” ഞാൻ എങ്ങനെ ഉണ്ട് സഞ്ജു ഭായ് എന്ന് ചഹാൽ നായകനോട് ചോദിച്ചു- “നിനക്ക് മാത്രം കൊള്ളാം ചഹാൽ” സഞ്ജു മറുപടിയായി പറഞ്ഞു.
രാജസ്ഥാൻ റോയൽസ് ഐപിഎൽ 2023 ൽ ഗംഭീരമായി തുടങ്ങി, ആദ്യ പകുതിയിൽ അവർ ധാരാളം വിജയങ്ങൾ സ്വന്തമാക്കി. എന്നാൽ രണ്ടാം പകുതിയിൽ ടീമിന് താളം നഷ്ടമായി. 7 ജയവും 7 തോൽവിയുമായി അവർ പോയിൻ്റ് പട്ടികയിൽ അഞ്ചാം സ്ഥാനത്തെത്തി. ഐപിഎൽ ചരിത്രത്തിലെ തങ്ങളുടെ മൂന്നാമത്തെ മോശം ടീം ടോട്ടൽ അവർ ആ യാത്രയിൽ രേഖപ്പെടുത്തി.
View this post on Instagram