മധു ശങ്കര്‍
ഒരു പക്ഷെ ഇന്നത്തെ ബംഗ്ലാദേശ് ടീമിനോട് ക്രിക്കറ്റ് ആരാധകര്‍ക്ക് വെറുപ്പ് തോന്നി തുടങ്ങിയത് ഇങ്ങനൊരു ഫോട്ടോ സമൂഹമാധ്യമങ്ങളില്‍ വന്നതിനു ശേഷം ആയിരിക്കും. ഇന്ത്യയുടെ ബംഗ്‌ളാദേശ് പര്യടനത്തില്‍ ഇന്ത്യന്‍ ക്യാപ്റ്റന്‍ ധോണിയുടെ തലയറുത്തു നില്‍ക്കുന്ന ബംഗ്ലാ ബൗളര്‍ ടസ്‌ക്കിന്‍. ഈ ചിത്രം ബംഗ്‌ളാ ആരാധകര്‍ ഉണ്ടാക്കുകയും മറ്റൊരു ബംഗ്‌ളാ കളിക്കാരന്‍ ഇത് ഷെയര്‍ ചെയ്യുകയും ചെയ്തതോടെ ലോക ക്രിക്കറ്റ് ആരാധകര്‍ ബംഗ്ലാ ടീമിന്റെ അഹന്തയെ തിരിച്ചറിയാന്‍ തുടങ്ങി.
ഒന്നുമല്ലായ്കയില്‍ നിന്ന് ഉയര്‍ന്ന വരുന്ന ബംഗ്ലാദേശ് ടീമിനെ ആദ്യകാലങ്ങളില്‍ എല്ലാവര്ക്കും ഇഷ്ടമായിരുന്നു. ക്രിക്കറ്റ് വളരുന്നു എന്ന സന്തോഷത്തില്‍ എല്ലാവരും അവരെ സപ്പോര്‍ട്ട് ചെയ്തു. വമ്പന്‍ ടീമായ ഓസ്‌ട്രേലിയ യെ പരാജയപ്പെടുത്തിയപ്പോഴും ടെസ്റ്റ് പദവി കിട്ടിയപ്പോഴും എല്ലാം ക്രിക്കറ്റ് ആരാധകര്‍ സന്തോഷിച്ചു. അവിടെ നിന്ന് അവരുടെ അഹങ്കാരവും തുടങ്ങി, മറ്റുള്ള ടീമിനെയും കളിക്കാരെയും പുച്ഛിക്കുന്നതും വെല്ലുവിളിക്കുന്നതും പതിവാക്കിയ ബംഗ്ലാ കളിക്കാരും ആരാധകരും സ്വയം വിലകുറഞ്ഞു പോകുന്നത് അറിഞ്ഞില്ല.
ഇന്ന് ഏതു ടീം ജയിച്ചാലും ബംഗ്ലാദേശ് ജയിക്കരുത് എന്ന് പ്രാര്ഥിക്കുന്നവരാകും അധികവും . ഒരു കാലത്തെ ക്രിക്കറ്റിലെ മുടി ചൂടാ മന്നന്മാരായിരുന്ന ലങ്കയോട് ബംഗ്ലാ ടീം കാണിച്ച കോപ്രായങ്ങള്‍ ചില ഉദാഹരണങ്ങള്‍ മാത്രം.
മാന്യന്മാരുടെ കളി എന്നറിയപ്പെടുന്ന ക്രിക്കറ്റ് ന്റെ മാന്യത കളയാന്‍ ബംഗ്ലാദേശ് ആരാധകരും കളിക്കാരും എത്ര ശ്രമിച്ചാലും മറ്റു ടീമുകള്‍ മാന്യതയോടെ കളിക്കുന്ന കാലം വരെ ആ പേര് പോകില്ല. തങ്ങളെ മറ്റുള്ളവര്‍ വെറുക്കുന്നതിന്റെ കാരണം മനസ്സിലാക്കി നല്ല പെരുമാറ്റം കാഴ്ചവയ്ക്കാന്‍ ടീമിന് സാധിക്കട്ടെ എന്ന് വിചാരിക്കാം.
കടപ്പാട്: മലയാളി ക്രിക്കറ്റ് സോണ്‍